Нүмајишә гаршы гадағанын гојулмасына рәғмән, бир нечә мин етиразчы Сент-Сулин кәндиндә бөјүк сүни су анбарынын иншасы мәканына топлашыб. Полис ҝөзјашардыҹы газ ишләтмәклә етиразчылары дағытмаға чалышыб.
Јерли иҹра һакими бир бәјанатда билдирибдир ки, бәзи етиразчылар тәрәфиндән Молотов коктејлләринин вә јандырыҹы вәсаитләрин атылмасы нәтиҹәсиндә 61 полис јараланыб вә онлардан 22 нәфәрин вәзијјәти ағырдыр. Тоггушмада дөрд етиразчы да јараланыбдыр.
Франсанын кәнд тәсәррүфаты назири Марк Фесно бир твиттдә полисә гаршы зоракылығы писләјиб вә "илләр боју јерли сәвијјәдә инкишаф етдирилмиш лајиһәнин һәјата кечирмәсинин гаршысыны алмаг нијјәтиндә олдугларына" ҝөрә, етиразчылары тәнгид едиб.
Диҝәр тәрәфдән, аксијада иштирак едән Франса Јашыллар Партијасынын јүксәк сәвијјәли үзвләриндән бир групу, етиразчылара гаршы мин беш јүздән чох полисин сәфәрбәр едилмәси илә формалашмыш тәһлүкәсизлик атмосферинин јарадылмасыны, тоггушманын баш вермәси вә шиддәтләнмәсиндә мүгәссир кими гәләмә вериб.
Јашыллар Партијасынын үзвләриндән олан Сандрин Руссо һадисә илә бағлы билдирибдир ки, бүтүн бу һадисәләр гураглығын гызғын чағында сују оғурламаға ҝөрә, мејдана ҝәлиб.
Ҹари илин јаында баш верән Франса тарихиндәки ән пис гураглыг, Авропа Бирлијинин ән ири кәнд тәсәррүфаты секторунда су еһтијатлары үстүндәки мүбаһисәләри даһа да кәскинләшдирибдир.
342/
