саат 16:10 радәләриндән сонра бир нечә груп Бакыда јүрүш етмәјә ҹәһд едиб. Онлар гол-гола тутараг "Аилә һакимијјәтинә сон", "Сијасы мәһбуслара азадлыг" вә башга шүарлар сәсләндирибләр.
Һәмин заман 10-дан чох фәал сахланыб. Сахлананлардан бәзиси дә сијаси мәнсубијјәтинин олмадығыны сөјләјиб.
Бу арада Мүсават Партијасы вә АХҸП-дән јени-јени сахлананлар вар. Сахлананлардан бәзиләри полисин физики зоракылыглары илә үзләшдикләрини гејд едибләр.
Хатырладаг ки, АХҸП-нин сәрбәст топлашмаг азадлығы вә башга тәләбләрлә кечирмәк истәдији аксија илә бағлы мүраҹиәтинә Бакы Шәһәр Иҹра Һакимијјәти Апаратындан мүсбәт ҹаваб верилмәјиб. Ҹаваб мәктубунда буна сәбәб кими аксијанын елан олундуғу јерин тәһсил мүәссисәләри, метро чыхышы вә нәглијјатын интенсив һәрәкәт етдији јола јахын олмасы ҝөстәрилмишди.
ДИН-дән исә билдирилиб ки, шәһәр рәһбәрлији илә разылашдырылмамыш аксијаја ҹәһдин гаршысы алынаҹаг вә тәшкилатчылар мәсулијјәт дашыјаҹаглар.
342/
