игтисадчы експерт вә Азәрбајҹан Демократија вә Рифаһ Тәшкилатынын сәдри Губад Ибадоғлу дејиб: "Сон вахтлар Әһмәдбәјли-Һорадиз- Минҹиван-Ағ бәнд јолунун тикинтисинин подратчысы олан "Калијон" ширкәтинин чох сајда ишчисиндән бу ширкәтин азәрбајҹанлы ишчиләрә гаршы һагсызлыглары илә бағлы мәнә мүхтәлиф васитәләрлә, е-маиле, Фаҹебоок, телефон вә месенҹерләрлә хејли сајда мүраҹиәт дахил олуб.
Онларын арасында газиләр дә олан ишчиләр әмәк ганунвериҹилијини кобуд шәкилдә позан ширкәтдән күтләви шәкилдә вә фәрди гајдада Дөвләт Әмәк Мүфәттишлији Хидмәтинә вә мәһкәмәјә шикајәт етсәләр дә, һәлә ки, ортада реал нәтиҹә јохдур. Әксинә, һәр ики гурум наразылыглары арашдырмаг вә әдаләтли гәрар гәбул әвәзинә баш верәнләр өрт-басдыр етмәк, ҹәмијјәтдән гизли сахламаг јолуну тутуб.
Губад Ибадоғлу "Калјон" ширкәтиндән олан наразылыглары үмумиләшдирәрәк, тәгдим едиб вә бу биабырчылыға сон гојмаг үчүн мүвафиг дөвләт гурумларындан тәҹили тәдбирләр ҝөрмәји тәләб едиб.
Түркијәнин "Калјон" ширкәтинин Гарабағын тикинти лајиһәләриндә јол вердији ганун позунтулары арасында ашағыдакылар вар:
1-Бәзи ишчиләр әмәк мүгавиләси олмадан ишләдилир.
2-Бәзи ишчиләрин һәфтәлик иш вахты нормасы ганунвериҹиликлә мүәјјән олунмуш нормадан артыг мүәјјән олунур.
3-Ишчиләр һәр иш ҝүнү иш вахтындан артыг ишләдилир вә буна ҝөрә онлара әлавә өдәниш едилмир.
4-Азәрбајҹанлы ишчиләр Түркијәли ишчиләрдән бир нечә дәфә ашағы әмәк һаггы алырлар. Азәрбајҹанлы ишчиләрын маашы адәтән 800-900 манат арасы мүәјјәнләшдирилир, түркијәли ишчиләр исә 5000-6000 манат арасы әмәк һаггы алырлар. Јүксәк әмәк һаггы рәһбәрликдә чалышанлара вә ағыр техника ишләдәнләрә верилир ки, онларын арасында азәрбајҹанлылар, демәк олар ки, јохдур. Ағыр техника илә ишләмәји баҹаран азәрбајҹанлылары бу ишә гәбул етмирләр. Бу, артыг ишчиләр арасында ајры-сечкилик едилмәсидир.
5-Ишчиләрин әмәк һаглары ҝеҹикдирилир.
6-Наһар фасиләсиндә ишчиләрә верилән јемәкләр чох кејфијјәтсиздир. Бәзи мәлуматлара ҝөрә, јемәкләрин тәҹһизаты Азал-ын нәзарәтиндә олан "Катринҝ" ширкәти тәрәфиндән һәјата кечирилир.
7-Ишчиләрин ҝеҹәләдикләри вә истираһәт етдикләри јерләр, камплар ән ади нормалара ҹаваб вермир. Иш јерләринин сағлам санитарија-ҝиҝијена шәраити тәмин олунмур.
Губад Ибадоғлу сонда ону да гејд едиб ки, азәрбајҹанлы ишчиләрә мүнасибәтдә әмәк ганунвериҹилијинин позулмасы һаллары "Калјон"ун иҹра етдији Һорадиз-Ағбәнд јолларынын тикинтиси заманы баш вериб вә һазырда да дава едир.
Сон ики илдә Гарабағда тикинти лајиһәләринин һәјата кечирилмәсиндә түрк ширкәтләри тәрәфиндән азәрбајҹанлы ишчиләрин һүгугларынын кобуд шәкилдә позулмасы елә бир һалдадыр ки, Түркијәни малијјә ифласындан хилас едиб вә бу јахынларда Илһам Әлијев вә Рәҹәб Тајјиб Әрдоған НАТО-нун "Зәнҝзор дәһлизи" кими танынан Туран дәһлизи лајиһәси чәрчивәсиндә Зәнҝилан Һава Лиманынын ачылыш мәрасиминдә бу ганунсуз түрк ширкәтләрдән тәшәккүр едибләр.
342/
шәрһиниз
