Иранын хариҹи ишләр назири Һүсејн Әмир Абдуллаһиан шәнбә ҝүнү ҝеҹә Азәрбајҹан Республикасынын хариҹи ишләр назири Ҹејһун Бајрамовла телефон данышығы заманы ән мүһүм икитәрәфли, реҝионал вә бејнәлхалг мәсәләләри нәзәрдән кечириб.
Әмир Абдуллаһиан Иран вә Азәрбајҹан Республикасы арасындакы мүнасибәтләрин дәринлијинә тохунараг, Астанада Асијада Гаршылыглы Фәалијјәт вә Етимад Тәдбирләри үзрә Мүшавирәнин (ҸЫҸА) 6-ҹы зирвә топлантысы чәрчивәсиндә ики өлкә президентләринин сон ҝөрүшүнү мүһүм адландырыб.
О, Гафгаз реҝионунда баш верән сон һадисәләрә тохунараг, Иранын Азәрбајҹан Республикасы вә Ермәнистан да дахил олмагла өлкәләрин суверенлији вә әрази бүтөвлүјүнү дәстәкләдијини вурғулајыб вә бу јанашманын Иран Ислам Республикасынын даими сијасәти олдуғуну билдириб.
Азәрбајҹанын хариҹи ишләр назири исә өз нөвбәсиндә ики өлкә арасындакы мүнасибәтләри мүһүм вә сабит адландырыб.
Ҹејһун Бајрамов реҝионда хариҹи гүввәләрин мөвҹудлуғуна гаршы чыхыб вә бунунла бағлы Иран Ислам Республикасынын мөвгејини дәстәкләјиб.
342/
