истинадән хәбәр верир ки, Әфганыстанын Шиә Үләма Шурасынын рәһбәри Ајәтуллаһ Мәһәммәд Һашим Салеһи Мүдәррис, бу ҝүн сәһәр, 11 октјабрда дејиб: "Дин тәблиғчиләри мәзһәб мәншәли олан дәјәрли јахынлашма мәсәләсини тәблиғ етмәлидирләр. Одур ки, һөвзәдә бирлик дискурсунун тәблиғи бу бахымдан ән мүһүм тәдбирләрдән биридир.
О, 36-ҹы Ислам Вәһдәти Конфрансынын 7-ҹи вебинарында вәһдәт һәфтәсини тәбрик едәрәк дејиб: "Ислам аләминдә сүлһ, паклыг, барышыг, меһрибанлыг вә ислами бирлик, тәфригә вә ихтилафын гаршысыны алмаг мүгәддәс Ислам дининин әсас шәртидир. Вәһдәт һаггында о гәдәр ајә вә рәвајәтләр вар ки, бәлкә дә һеч бир ваҹибат бу гәдәр вурғуланмајыб".
Әфганыстанын Шиә Үләма Шурасынын рәһбәри дејиб ки, Әзиз Пејғәмбәр (с) Ислам ҹәмијјәтиндә рәфтар, әмәл, нитг, әфв, дөзүмлүлүк, сәбир вә бағышлама кими мәсәләләрдә әбәди нүмунәдир. Бәшәријјәтә әбәди бир сүннә һәдијјә ҝәтирди. Гурани-Кәримдә исламын әзиз Пејғәмбәри (с) ҝөзәл бир өрнәк кими хатырланыр.
О, билдириб ки, өтән әсрләрдә мүсәлманларын вәһдәт вә бирлији саһәсиндә чохлу сәјләр ҝөстәрилиб. Шиә алимләринин тәлашлары бу саһәдә гисмән уғурлу олуб. Һәзрәт Имам Хомејни (рәһ) вәһдәт үчүн мөһкәм аддымлар атды. Әҝәр елми һөвзәләр Имам Хомејнинин (рәһ) сивилизасија бахышына әсасән әмәл етмәсәләр, бирлик вә вәһдәт мәсәләсиндә ирәлиләјиш олмајаҹаг.
Ајәтуллаһ Салеһи Мүдәррис вурғулајыб: "Вәһдәт конфрансынын кечирилмәси мәзһәбләрин јахынлашмасы вә ислами һәмрәјлијин јарадылмасы вә ифратчылығын рәдд едилмәси, еләҹә дә мүгајисәли фигһин елми ахынынын ҝүҹләндирилмәси үзәриндә даһа чох ишләмәк үчүн бир фүрсәтдир.
Уҹа Аллаһын ипини бирликдә тутмаг ваҹиб бир әмәлдир
Кәрбәла Университетинин һуманитар елмләр факүлтәсинин рәһбәри Һөҹҹәтүл-Ислам вә әл-мүслимин Бәлсам Әзиз Шәбиб Замили бу вебинарын давамында вурғулады: "Ислам Вәһдәти Конфрансы Ислам Вәһдәтинин һәјата кечирилмәси үчүн һәлл јоллары вә механизмләри ахтармаг үчүн ишчи груплар мүәјјән етмәлидир".
Кәрбәла Университетинин Һуманитар Елмләр Факүлтәсинин рәһбәри бу вебинарда конфрансын мөвзусуна тохунараг деди: "Әсас суал будур: “Ислам бирлијини тәмин етмәк, парчаланма вә гаршыдурмадан гачмаг үчүн һансы һәлл јолларыны ҝөрмәлијик?”. Бу терминләр Аллаһын китабында вә Рәсулуллаһын (с) сүннәсиндә мөвҹуддур. Уҹа Аллаһ Гурани-Кәримдә бујурмушдур: “Бу, сизин үммәтиниз ваһид бир үммәтдир, Мән дә сизин Рәббинизәм, горхун мәндән”.
О, билыдириб ки, мүхтәлиф Ислам мәзһәбләри арасында кичик фәргләр олса белә, Ислам үммәти өз принсипләри вә шүарлары әсасында ваһид бир үммәтдир. Мүсәлманлар парчаланма вә бир-бири илә мүнагишәдән чәкинсәләр, Ислам үммәти ваһид үммәт олараг галаҹаг. Ислам һәмишә мүсәлманлары бирлијә, ајры-сечкилик етмәмәјә чағырмышдыр. Гурани-Кәримин ајәләринә әсасән, Аллаһ-Тәаланын ипиндән бирликдә тутмаг һамымызын етмәли олдуғу ваҹиб бир әмәлдир. Бундан әлавә, Аллаһ-Тәала бизә тәфригәјә ҝирмәји гадаған етмишдир.
Бирлијә наил олмаг сүннә вә халис Исламдан гајнагланыр
Бу вебинарын давамында Түркијә Шиә Үләма Бирлијинин рәһбәри Кадир Акарас, өз сөзләриндә вурғулады: "Исламы дүнјаја әсл Мәһәммәд анлајышы илә танытмаг лазымдыр. Бу, анҹаг Пејғәмбәрин Исламыны тәблиғ етмәклә мүмкүндүр".
Түркијә Шиә Алимләр Бирлијинин сәдри һәгиги Исламы танымағы арзу олунан Ислам амалларынын һәјата кечмәси үчүн мүгәддимә һесаб едиб вә дејиб: "Рәсулуллаһын дүзҝүн сүннәсини вә һәгиги Мәһәммәди Исламы танымаг вәһдәт әлдә етмәјин зәрурилијини даһа да артырыр. Чүнки Ислам дүшмәнләри бүтүн бәшәријјәтлә, өлкә вә милләтләрлә, бүтүн сивилизасијаларла јарышырлар. Бу мүнагишә вә рәгабәт бүтүн техноложи, игтисади, дини вә мәдәни саһәләрдә давам едир. Мүсәлманлар бу рәгабәтдән ҝери галмамалыдыр. Исламофобија нәзәријјәси бу ҝүн гәрб дүнјасында һәјата кечирилир. Јәни дүшмәнләр мүсәлманлары вә гејри-мүсәлманлары инандырмаға чалышырлар ки, Ислам террорчулар тәрәфиндән јарадылмыш зоракы бир диндир. Бу јолла гәрбли инсаны Ислам вә мүсәлманлардан горхудурлар.
О, билдириб ки, бу нәзәријјәни стерилизасија етмәк вә ону тәсирсиз һала ҝәтирмәк лазымдыр. Исламы дүнјаја әсл Мәһәммәд анлајышы илә танытмаг лазымдыр. Бу, анҹаг Пејғәмбәр Исламыны тәблиғ етмәклә мүмкүндүр. Биз Исламы әсл формасы илә, јәни зүлмә гаршы олан вәһј, мәрһәмәт вә әдаләтә әсасланан формада, ејни заманда дүнја вә ахирәт сәадәтини тәмин едән бир дин олараг танытмалыјыг.
342/
