СәһәрАзәри-нин мәлуматына әсасән, Рејхстаг-ын өнүнә топлашмыш сағ тәмајүллү «Алманија үчүн алтернатив» партијасынын һимајәдарлары газ вә електрик енержисинин гијмәтләринин артмасы кими мисли ҝөрүнмәмиш баһалыглара етираз едибләр.
«Әввәл, өз өлкәмиз!» кими шүарлар верән аксијачыларын әлләриндә Алманија вә Русија, һәмчинин ифратчы сағ групларын символу олан Алманија империјасынын бајраглары олуб.
Нүмајишчиләр һәмчинин Русија бајрағыны далғаландырыб, бу кими шүарлар верибләр: «Русијанын нефи вә газыны истәјирик!» вә «Бу ҝүн сусанлар, сабаһ донаҹаглар!».
«Алманија үчүн алтернатив» партијасынын һәмсәдри Тино Чрупалланын гәнаәтинҹә, Алманија һөкумәти Русија әлејһинә санксијалар тәтбиг етмәклә мүһарибәни өлкә сәрһәдләринин ичәрисинә вә халгын јашајышына ҝәтирибдир.
О, етиразчыларын гаршысында Алманија игтисадијјат назири Роберт Һабекин истефасыны тәләб едибдир ки, бу тәләб, аксијачыларын алгышлары илә ҹавабландырылыбдыр.
Чрупалла Алманија һөкумәтини халгын тәләбләринә лагејдликдә иттиһам едиб. Билдириб ки, бу өлкәдәки һаким коалисијаны тәшкил едән үч партијадан бири олан Алманија јашыллар партијасы Алманијанын зәифләмәси вә јохсуллашмасыны истәјир.
Етиразчылар Рејхстагын өнүнә топлашдыгдан сонра јүрүш кечирмәјә башлајыблар. Онлар маршрут боју мүхалиф групларларла үзләшибләр.
Бу етираз аксијасына гаршы чыханлар исә «Алманија үчүн алтернатив» партијасынын идеолоҝијалары, о сырадан анти-миграсија гәнаәтләрини тәнгид едибләр. Онлар бу гәнаәтдә олдугларыны билдирибләр ки, сөзүҝедән партија баһалыглардан өз сијаси мәгсәдләрини ирәлиләтмәк үчүн бир васитә кими истифадә едир.
Полисин вердији мәлуматда, аксијачыларын сајы тәхминән он мин, онларла мүхалиф оланларын сајы исә мин беш јүз нәфәр тәхмин едилибдир.
342/
