Серҝеј Лавров дејиб: "Русијанын нүвә гаршысынын алынмасы сијасәти сырф мүдафиә характери дашыјыр, Москва "нүвә бешлији"нин нүвә мүһарибәсинин јолверилмәзлији барәдә бәјанатына садигдир."
Лавров “Аргументы и факты” гәзетинә мүсаһибәсиндә гејд едиб: "Нүвә гаршысынын алынмасы сијасәтимиз сырф мүдафиә характери дашыјыр. Ону да вурғуламаг истәрдим ки, Русија бу ил јанварын 3-дә нүвә силаһына малик беш дөвләтин өлкә рәһбәрләринин нүвә мүһарибәсинин јолверилмәзлији постулатыны тәсдиг едән бәјанатына садиг галыр", дејә назир билдириб.
Онун сөзләринә ҝөрә, Русија нүвә силаһынын мүмкүн истифадәси илә бағлы Гәрбин тәһдидләрини гәбул етмир, лакин онларла мүзакирә етмәк фајдасыздыр.
"Русија үчүн мүәјјән нәтиҹәләрлә бағлы сәс-күјлү бәјанатлара ҝәлинҹә, бу ҹүр тәһдид дили, тәбии ки, гәбуледилмәздир. Биз бунлары Гәрб сијасәтчиләринин виҹданына бурахырыг. Онларла бу мөвзуну мүзакирә етмәк фикриндә дејиллик, бу, фајдасыздыр", дејә Лавров билдириб.
342/
