Севастополун иҹра башчысы Михаил Разожајев шәнбә ҝүнү ҝеҹә билдирибдир ки, Блик кәндиндә јерләшән һава базасындакы золагдан чыхдыгдан сонра тәјјарәдә сурсат партлајышы баш вериб.
Разожајев өз телеграм каналында јазыб: Пилот сағ-саламат тәјјарәдән чыхыб вә јанғынсөндүрәнләр јанғыны сөндүрмәјә мүвәффәг олублар.
Бу һадисәдән сонра Крым јарымадасынын сәмасында түстүдән јаранмыш бөјүк бир гара булуду ҝөстәрән видеолар сүрәтлә сосиал шәбәкәләрдә јајылыб.
Индијәдәк украјналы гүввәләрин бу партлајышла әлагәләринин олмасы һагда бир мәлумат јајылмајыб.
Бундан габаг да ири партлајышлар нәтиҹәсиндә Крымын гәрбиндә, Гара дәниз саһилиндә јерләшән Саки һава базасында бир нечә бина вә азы сәккиз һәрби тәјјарә мәһв олмушду.
Украјналы рәсмиләр дејибләр ки, бу партлајышлар партизанларын көмәјилә бу өлкә гүввәләри тәрәфиндән едилмиш һүҹумлардан ирәли ҝәлиб, амма Русија рәсмиләри билдирибләр ки, бу базада сахланылан сурсатлар өзү-өзүнә аловланыблар.
342/
