Насир Кәнани ҹүмә ҝүнү сәһәр саатларында Иран Ислам Республикасынын АБШ-ын санксијаларын ләғв олунмасыны һәдәфләјән мүмкүн мәтнә ҹавабы илә бағлы шәрһләринин авропалы координатора ҝөндәрилдијини ачыглајыб вә дејиб: “Ҝөндәрилән мәтн данышыглары јекунлашдырмаг мәгсәди илә конструктив јанашмаја маликдир.”
Хатырладаг ки, августун 4-8-дә Ирана гаршы тәзјиг вә гејри-гануни санксијаларын ләғви илә бағлы Вјанада кечирилән данышыгларын јени раундунда Авропа Иттифагынын координатору Енрике Мора тәрәфиндән бир нечә тәклиф ирәли сүрүлүб.
Августун 15-дә Иран Ислам Республикасы Авропанын тәклиф етдији, нүвә сазишинин там иҹрасынын бәрпасы јолунун ҝөстәрилдији мәтнә јазылы ҹавабыны тәгдим едиб вә билдириб ки, Бирләшмуиш Штатларын ҹавабы реалист вә конструктив оларса, разылашма әлдә олунаҹаг.
Бир һәфтәдән чох кечәндән сонра, августун 24-дә АБШ өз рәјини Авропа Бирлијинә тәгдим едиб.
Иран Хариҹи Ишләр Назирлијинин сөзчүсү гејд едиб ки, Американын ҹавабыны алдыгдан сонра Иран Ислам Республикасынын експерт групу ону гијмәтләндирмәјә башлады вә ҹавабы диггәтлә арашдырды вә нәһајәт Теһранын рәсми ҹавабы АИ координатору Енрике Мораја тәһвил верилди.
Канани даһа сонра гејд едиб ки, Вјана данышыгларында иштирак едән өлкәләрин әксәријјәти Ирана гаршы тәзјигчи вә гејри-гануни санксијаларын арадан галдырылмасына диггәт јетирәрәк данышыгларын даһа тез јекунлашмасыны истәјирләр, лакин јекун разылығын әлдә олунмасы АБШ-ын бәзи ваҹиб галан мәсәләләрлә бағлы сијаси гәрарларыны ҝөзләјир.
Иран Ислам Республикасы мәсулијјәтли өлкә кими дәфәләрлә бәјан едиб ки, АБШ-ын нүвә сазишини позан позан тәрәф олдуғуну нәзәрә алараг, санксијалары ләғв етмәклә разылашмаја гајытмалы олан Вашингтондур вә Американын өһдәликләринин иҹрасыны јохламаг лазымдыр.
342/
