Сејид Ибраһим Рәиси ТРТ Инҝилис телеканалынын мүхбиринин Иранын Түркијә илә су дипломатијасы илә бағлы суалыны ҹавабландыраркән дејиб: Түркијә гоншумуздур вә Түркијә халгы мүсәлман олараг арамызда гоншулуг вә гардашлыг мүнасибәтләримиз вар. Биз Түркијә илә гаршылыглы вә реҝионал әмәкдашлыглара маликик.
ИИР президенти әлавә олараг белә ејиб: “ Иран вә Түркијә арасында су мөвзусу илә бағлы мүзакирәләр апарылмалы иди вә биз Теһран саммитинин кәнарында Түркијә президенти ҹәнаб Рәҹәб Тәјјиб Әрдоғанла Араз чајындан Иранын су пајыны мүзакирә етдик вә Түркијә президенти бу саһәдә олан ниҝаранлыгларын дәрһал арадан галдырылаҹағына сөз верди. “
Ибраһим Рәиси Иран Ислам Республикасынын Араз чајы үзәриндә Иранын су пајы илә бағлы ниҝаранлыгларынын арадан галдырылмасы үчүн Иран Илә Түркијә арасында мүштәрәк фәалијјәтләрин һәјата кечирилмәкдә олдуғуну билдириб.
Иран президенти Спутник информасија аҝентлијинин мүхбиринин Иран илә Русија арасындакы мүнасибәтләр барәдә вердији сула вердији ҹавабында исә Иран вә Русија мүнасибәтләринин стратежи характер дашыдығыны вурғулајыб.
“ Шимал-Ҹәнуб коридору илә бағлы фәалијјәтләр там әзмкарлыгла һәјата кечмәкдәдир. Енерҝетика вә нефт саһәсиндә инвестисијалар да һәјата кечмәкдәдир.”- Сејид Ибраһим Рәиси дејиб.
342/
