Икинҹи Гарабағ Мүһарибәсинин сонунда Совет Иттифагы дөврүндә он минләрлә инсанын јашадығы кичик шәһәр олан Лачын тәхминән 30 илдән сонра Азәрбајҹана гајытса да, рајонун мәркәзи вә әтраф кәндләр русијалы сүлһмәрамлы гүввәләрин нәзарәтинә кечди. Әсас һәлл олунмамыш мәсәлә исә Лачын дәһлизинин һәмин әразидән кечмәси иди.
Мүһарибәнин баша чатмасы мүгавиләләринә әсасән, Ермәнистан вә Азәрбајҹан Лачындан јан кечмәклә јени маршрутун чәкилмәси планы барәдә гәрар вердиләр вә бу иш үчүн үч ил мүддәт тәјин олунду, лакин Азәрбајҹан өз өһдәлијини бир ил тез јеринә јетирәрәк, алтернатив јолу истифадәјә верди. Ермәнистан исә ҝеҹикмишди, августун 3-дә кәскин тоггушмалардан сонра Ермәнистан Тәһлүкәсизлик Шурасынын катиби Армен Григорјан Бакынын Лачын дәһлизи илә бағлы тәләбләрини ганунсуз адландырыб Ермәнистанын һәләлик јени јолун тикинтиси илә бағлы һәр һансы планла разылашмадығыны билдирди, амма рәсми Ирәван чох тез өз мөвгејиндән ҝери чәкилди.
Азәрбајҹанда һесаб едирләр ки, Ермәнистан бүтүн бу мүддәт әрзиндә планын тәсдигини вә өз әразисиндә тикинти ишләрини гәсдән тәхирә салыб.
Бунунла белә августун әввәлиндә гондарма ДГР һакимијјәти Лачын, Сус вә Забух кәндләринин ермәни сакинләринә елан етди ки, онлар августун 25-дәк өз евләрини тәрк етмәлидирләр вә бу торпаглар нәһајәт Азәрбајҹанын нәзарәтинә кечмәлидир.
Бу, баш тутду вә ермәниләрин Лачыны тәрк етмәсиндән сонра августун 26-да әразиләр Азәрбајҹан ордусунун нәзарәтинә кечди.
Мараглыдыр ки, Ермәнистанда һәмин көчкүн ермәниләрә гырмызы халча ачан олмајыб вә онларын бир чоху компенсасија ала билмәдикләрини дејир.
Беләликлә дә Лачыны тәрк етмиш садә ермәниләр ишғалчылығын аҹы нәтиҹәләрини һисс етмәјә мәҹбур олмушлар.
342/
