Тәл-Әвив Азәрбајҹанла Русија арасында гаршыдурма јарадыр

АБНА24 Хәбәр Верир , Русијанын хариҹи ишләр назири Серҝеј Лавровун галмагаллы антисемит ачыгламаларындан сонра Исраил нәһајәт Украјнаја силаһ тәдарүк етмәјә башлаја биләр. Тәбии ки, буну үчүнҹү өлкә васитәсилә дә һәјата кечирмәк мүмкүндүр.

Бу барәдә Украјна президенти апарат рәһбәринин мүшавири Алексеј Арестович билдириб.

Украјна рәсмиси гејд едиб: “Биз буну Гарабағ мүһарибәсиндә дә ҝөрдүк. Һәмин силаһлары Азәрбајҹан тәтбиг еләди. Мәсәлән, Һароп камикадзе-дронлары, танк әлејһинә узагвуран вә оператора трајекторијаны, һабелә һәдәфи дәјишдирмәк имканы верән “Спике” системләринин адыны чәкә биләрик”.

Хатырладаг ки, Лавров Медиасат ТВ-јә мүсаһибәсиндә “Һитлердә јәһуди ганы вар вә ән гызғын антисемитләр јәһудиләр олур” дејиб, бунун ардынҹа Русија илә Исраил арасында галмагал јашаныб.

Һазырда исраилли һәрбчиләрин Украјнада Азов баталјонларынын тәркибиндә дөјүшдүјүнү нәзәрә алсаг, сионистләр АБШ-ын тәбии мүттәфиги олдуғуна хатир мүтләг Вашингтонун мараглары истигамәтиндә аддымламасы тәбии ҝөрүнүр, онун авантүрист һәрәкәтләриндә Азәрбајҹандан суи-истифадә етмәси исә Москва-Бакы әлагәләриндә мүрәккәб вәзијјәт јарада биләр.

Бәзи шәрһчиләр истисна етмирләр ки, сон заманлар рәсми Бакынын Гарабағ мәсәләси илә әлагәдар өз риторикасынын дәјишәрәк Русијаны иттиһам етмәсиндә сионистләрин изини тапмаг чәтин дејил; әсас мәгсәд исә Русијаны һәр тәрәфдән тәҹрид етмәкдир.

Мәсәләнин мәғзиндә бу амил вә тылгин дајаныр ки, Русија мүһарибәни удузаҹаг вә Азәрбајҹан өз талејини она бағламамалыдыр. Лакин гәләбә чалан Русија оларса, бу заман "дост олмајан өлкәләрә" гаршы сәрт аддым атылаҹаг.

Украјна мүнагишәсиндә Азәрбајҹан һәләлик битәрәф мөвгедән чыхыш едир, анҹаг өнун бу мөвгеји Гәрб дөвләтләринин о ҹүмләдән АБШ-ы гане етмир. Бу сәбәбдән Азәрбајҹанын Украјна мәсәләсиндә бирбаша Гәрб дүшәрҝәсинә сүрүкләнмәси өлкә үчүн тәһлүкәли вәзијјәт јарада биләр. Исраил режими ола билсин ки, бу миссија илә мәшғулдур.

342/