АБНА24 Хәбәр Верир , Исмајыл Һәнијјә Үмумдүнја Гүдс Ҝүнү мүнасибәти илә етдији чыхышында белә изаһ едиб: “Бу мөһтәшәм ҝүндә, Үмумдүнја Гүдс Ҝүнүндә Фәләстин халгы вә Мәсҹидүл-Әгсаны әлијалын шәкилдә мүдафиә едән мүдафиәчиләрә мүраҹиәт едирәм. Үмумдүнја Гүдс Ҝүнү бу ил бир сыра һадисәләрлә мүшајиәт олунуб. Фәләстин халгы Рамазан ајынын әввәлиндән бир сыра әмәлијјатлар һәјата кечирәрәк ҝөстәрди ки, Фәләстин халгынын сечими мүгавимәт вариантыдыр.”
Фәләстинли сијасәтчи әлавә едиб: “Ишғалчы режим компромис разылашмаларындан вә Фәләстин идеалыны мәһв етмәк планларындан истифадә едәрәк өз варлығыны гануниләшдирмәјә чалышыр.”
ҺӘМАС-ын сијаси бүросунун үзвү хәбәрдарлыг едиб ки, ишғалчы режим дүнјанын башынын Русија вә Украјна арасындакы мүһарибәјә гарышмасындан истифадә едәрәк, Гүдс вә Мәсҹидүл-Әгса илә бағлы планларыны һәјата кечирмәјә чалышыр. Лакин бу режимин Фәләстин халгыны ҹиловламаг үчүн ҝөстәрдији бүтүн ҹәһдләр нәтиҹәсиз галыб.
О билдириб: “Гүдс Гылынҹы” әмәлијјатында бөјүк стратежи гәләбә газанан вә мүгавимәт ҝөстәрән Гәззә һәлә дә ишғалчы режимлә дөјүш мејданында олдуғуну сүбут етди. Гәззә әһалиси Фәләстин халгынын бир парчасыдыр вә онлар Мәсҹидүл-Әгсада ишғалчы режимә гаршы дөјүш мејданындан узаглаша билмәјәҹәкләрини ҝөстәрдиләр.
342/
29 aprel 2022 - 12:25
Xəbər kodu: 1252936
ҺӘМАС лидери вурғулајыб ки, Гүдс мәсәләси, Мәсҹидүл-Әгса, гачгынларын ҝери гајтарылмасы һаггы вә мәһбусларын азадлығы сијаси данышыглар масасында һәлл олунмајаҹаг.
