Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Үмумдүнја Әһли-Бејт (ә) Ассамблејасынын баш катиби Ајәтуллаһ “Рза Рамазани” Теһранын тәблиғатчылары вә хәтибләринин иҹмасы илә кечирилән сәмими ҝөрүшдә дејиб:
Дини тәблиғчинин ролу васитәчилик ролудур, тәлим вә тәрбијјәнин ролу исә Гуранда ән мүһүм мөвгедир.
Үмумдүнја Әһли-Бејт (ә) Ассамблејасынын баш катиби Һәзрәт Пејғәмбәрин (с) Јараданла мәхлугат арасындакы әлагә вә васитәчи олдуғуна ајдынлыг ҝәтирәрәк дејиб: Дини тәблиғатчылар сөзүн әсл мәнасында вәһј илә инсанлар арасында васитәчидирләр.
О билдириб: “Мәсум Имамын нәзәриндә елм тәкҹә өјрәтмәк вә өјрәнмәк демәк дејил, о бир нурдур ки, инсан ондан бәһрәләнәндә, һарада олмасындан асылы олмајараг, онун өзүндә раһатлыг вә мәрифәт олур вә о раһатлыг вә мәрифәти ҹәмијјәтдә инсанлара бәхш едир.”
Лидерлик Експертләр Мәҹлисинин үзвү вурғулады: “Дини иҹтимаијјәт елми вә маарифләнмиш ҹәмијјәтә чеврилмәлидир вә бу маариф бүтүн мүсәлман үммәтинә ишыг сачмалыдыр.”
Ајәтуллаһ Рамезани дејиб: “Һәр кәс фигһи әсғәр, фигһи овсәт вә фигһи әкбәри дәрк етдији гәдәр инсанлары һагга дәвәт едә биләр. Әһли-бејт (ә) мәктәбинин јолунда оланлар бу ләјагәти газана билирләр.”
Үмумдүнја Әһли-Бејт (ә) Ассамблејасынын баш катиби وَيُعَلِّمُهُمُ الكِتابَ وَالحِكمَةَајәсинә ишарә едәрәк деди: “Һикмәт Аллаһын Китабынын нәтиҹәси вә наилијјәтидир. Бир кәс Китабы һәјатын гануну билсә, истәсә дә, истәмәсә дә, нәтиҹәдә инсан һикмәт саһиби олур вә мүдрикләшир. Һикмәтли инсан һәр бир ишдә мөһкәм вә тәгвалыдыр, о биһудә ишләр ҝөрмәз.”
Ҝилан халгынын Рәһбәрлик Експертләр Мәҹлисиндәки нүмајәндәси чыхышынын башга бир һиссәсиндә дејиб: “Бу ҝүн нәинки Ислами Иранда, һәм дә бејнәлхалг аләмдә динин тәблиғи үчүн јаранан имкан, башга вахтларда олмамышдыр.”
Ајәтуллаһ Рамазани гејд едиб ки, биз һазырда медиа империјасы вә диктатурасы вә бөјүк тәһдидләр һүҹуму илә үз-үзәјик: “Әһли-бејт (ә) мәктәбинин ҝөзәлликләрини мүсбәт шәкилдә өјрәдә билмәк ваҹибдир. Динин бүтүн саһәләрдә тәблиғ олунмасы үчүн имкан мөвҹуддур.”
Үмумдүнја Әһли-Бејт (ә) Ассамблејасынын баш катиби дејиб: “Биз идрак вә аудиторија сәвијјәләри үзәриндә ишләмәлијик вә Динин тәблиғ саһәсини јенидән дүшүнмәли вә јенидән мүәјјән етмәлијик.”
О, чыхышынын сон һиссәсиндә дејиб: “Ислам о гәдәр тәһриф едилиб вә информасија һүҹумуна мәруз галыб ки, Исламын сөзүн әсл мәнасында ешидилмәсинә имкан верилмир. Дилчи руһаниләр јетишдирмәк, мүхтәлиф өлкәләрин академик вә елми мәркәзләриндә иштирак етмәк лазымдыр.”
Ајәтуллаһ Рамазани сонда Әһли-Бејт (ә) мәктәбинин дүнјаја дүзҝүн вә мүсбәт шәкилдә танытдырылмасынын ваҹиблијини вурғулајараг дејиб: “Бу ҝүн дүнја Әһли-бејтин (ә) тәлимләринә тәшнәдир.”
Диггәт: Хәбәрдән Истифадә Етдикдә Мәнбәјә Истинад Лазымдыр!
