Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Авропа Иттифагынын (АИ) Ҹәнуби Гафгаз вә Ҝүрҹүстан бөһраны үзрә Хүсуси Нүмајәндәси Тоиво Клаар Азәрбајҹан вә Ермәнистан рәсмиләри илә телефон данышығы апарыб.
Бу барәдә Тоиво Клаар “Тwиттер”дә билдириб.
О, дүнән вә бу ҝүн Азәрбајҹанла Ермәнистанын хариҹи ишләр назирләри, еләҹә дә Азәрбајҹан Республикасы Президентинин көмәкчиси - Азәрбајҹан Республикасы Президентинин Администрасијасынын Хариҹи сијасәт мәсәләләри шөбәсинин мүдири Һикмәт Һаҹыјев вә Ермәнистан Милли Тәһлүкәсизлик Шурасынын катиби Армен Григорјанла јахшы мүзакирәләр апардығыны вурғулајыб.
“Авропа Иттифагы Ермәнистан вә Азәрбајҹан арасында тәмасы там дәстәкләјир”, - АИ дипломаты гејд едиб.
Диггәт: Хәбәрдән Истифадә Етдикдә Мәнбәјә Истинад Лазымдыр!
