АБНА24 Хәбәр Верир , бу ҝүн НАТО-нун хариҹи ишләр назирләри Украјнаја әлавә ағыр силаһларын тәдарүкү мәсәләсини мүзакирә едир.
НАТО-нун баш катиби Јенс Столтенберг НАТО-ја үзв өлкәләрин хариҹи ишләр назирләринин ҝөрүшүндә дејиб ки, һәрби алјанса үзв өлкәләр Украјнаја мүдафиә вә һүҹум силаһларынын тәдарүкү арасында фәрг гојмамалыдыр.
О гејд едиб ки, Украјнаја дәстәји давам етдирмәјә еһтијаҹ вар вә НАТО Украјнаја даһа чох һава һүҹумундан мүдафиә системләри, танк әлејһинә силаһлар, јүнҝүл, һәм дә ағыр силаһлар ҝөндәрмәји планлашдырыр.
Бу арада Британија Украјнаја зиреһли дөјүш техникасы, еләҹә дә техникадан истифадә гајдаларыны өјрәнмәк үчүн бир груп һәрбчини Украјна илә гоншу олан өлкәләрдән биринә ҝөндәрмәк планлары үзәриндә ишләјир.
Мәлумата ҝөрә, Британија һөкүмәти Украјнаја ја “Мастифф” зиреһли дөјүш машынларыны, ја да “Ҹакал” зиреһли кәшфијјат вә патрул машынларыны ҝөндәрә биләр. Бундан әлавә, Лондон јахын ҝүнләрдә дашына билән зенит вә танк әлејһинә ракет комплексләринин әлавә тәдарүкүнү елан етмәк нијјәтиндәдир.
342/
8 aprel 2022 - 10:47
Xəbər kodu: 1245919
Гәрб дөвләтләри Украјнаны өлүмҹүл силаһ вә техникаларла тәҹһиз етмәклә бөлҝәдә сүлһүн бәргәрарыны әнҝәлләјирләр.
