АБНА24 Хәбәр Верир , Русија илә Украјна арасындакы сијаси ҝәрҝинликләрин давам етмәси, хүсусән мүлкиләр арасында тәләфатын артмасы, Гәрб өлкәләринин Русијаја гаршы тәзјиги артырмаг үзрә гәрары вә игтисади санксијаларын шиддәтләнмәси, бу ҝүн дүнја базарларындакы сөвдәләшмәләрдә нефтин гијмәтинин отуз фаиздән чох артмасына сәбәб олуб.
Бу әсасда, Шимал дәнизиндә Брент хам нефтинин гијмәти бу ҝүн үч фаиз артымла һәр баррелдә 107 доллар 53 сентә чатыб.
Американын «Вест Тегзас Интермидијет» хам нефти дә дөрд фаиз артымла баррелдә 103 доллар 28 сентә алвер едилиб.
Алманија канслери Олаф Шолтс дејиб ки, Русија президенти Владимир Путин вә онун һимајәдарлары Буча олајлары вә мүлкиләрин гырғын едилмәләринин әвәзини өдәмәлидирләр.
Шолтс әлавә едиб: Гәрб өлкәләри Москваја гаршы даһа чох игтисади санксијалар барәдә ејни нәтиҹәјә чатыблар вә билирләр ки, һал-һазырда јеҝанә јол, Москваны мисли ҝөрүнмәмиш игтисади бөһранларда илишдирмәкдир.
Франса президенти Еммануел Макрон да тәклиф едибдир ки, Русија нефти вә даш көмүрүнүн санксијасы Гәрб өлкәләринин иш ҝүндәминә салынсын. О, ејни заманда вурғулајыбдыр ки, Франса Русијанын Украјнада һәрби ҹинајәтләр төрәтдијинә әсла шүбһә етмир.
Русија илә Украјна арасында сијаси вә һәрби ҝәрҝинликләрин башландығы замандан бәри Москваја гаршы мүхтәлиф игтисади санксијаларын тәтбиги, енержи базарынын хүсусән Авропадакы ҝәләҹәји барәдә олан ниҝаранчылыглары артырыбдыр.
342/
6 aprel 2022 - 08:12
Xəbər kodu: 1245336
Русија илә Украјна арасындакы сијаси ҝәрҝинликләрин давам етмәси инвесторлары тәгдим базарынын ҝәләҹәјилә бағлы даһа да ниҝаран едиб.
