АБНА24 Хәбәр Верир , Иран Хариҹи Ишләр Назирлијинин рәсми нүмајәндәси Сәид Хәтибзадә ҹүмә ҝүнү, “Иран Ислам Республикасында инсан һүгугларынын вәзијјәти” адлы гәтнамәнин инсан һүгуглары шурасында гәбул едилмәсинә реаксијада дејиб: Өзләри башга халгларын һүгугларыны позан өлкәләр, бир өлкәдә инсан һүгугларынын вәзијјәти үзрә һаким вә ја иддиачы гисминдә иштирак едә билмәзләр.
Гәрб өлкәләринин Ираны бәднам етмәк вә Иранофобија планыныны давам етдирмәк үзрә сәјләринә тохунан Иран Хариҹи Ишләр Назирлијинин мәтбуат катиби дејиб: Тәҹавүзкар, гәсбкар вә мүстәбид режимләрә силаһ сатышы кими јолларла инсан һүгугларыны биабырчы тәрздә позмаг саһәсиндә узун кечмишә малик олан бу өлкәләр инсан һүгугларыны өз сијаси гәрәзләри вә тамаһкарлыгларынын ирәлиләдилмәси үзрә бир аләтә чевирибләр.
Хәтибзадә сөјләјиб: Етикадан узаг вә үзрсүз һәрәкәтләр, нәинки дүнја сәвијјәсиндә инсан һүгугларынын вәзијјәтинин јүксәлишинә вә она һөрмәтә көмәк етмәјәҹәк, һәм дә сырф олараг, халглара гаршы сијаси дамғалар вә негатив стреотипләрин гызышдырылмасына баис олаҹаг,/ инсан һүгугларынын әсл анламына ҹидди зијанлар вураҹаг.
“Сон илләр әрзиндә инсан һүгуглары шурасынын гәтнамәләриндә ҝөрүнән һаллар, әслиндә Иран Ислам Республикасынын әлејһинә јөнәлмиш гәтнамәни ишләјиб һазырлајанлар тәрәфиндән биртәрәфли иттиһамландырма олуб”-дејән Сәид Хәтибзадә вурғулајыб: Американын игтисади терроризминдән гајнагланан гәддарҹасына тәзјигләрә рәғмән, өз вәтәндашлары вә бејнәлхалг иҹтимаијјәт гаршысындакы өһдәликләринә даим садиг галан Иран кими өлкәләр үчүн инсан һүгуглары саһәсиндә, башга бир өлкәдән олан хүсуси мәрузәчинин тәјин едилмәси, үмумијјәтлә, үзрсүз вә гејри-конструктив бир һәрәкәтдир.
342/
3 aprel 2022 - 12:21
Xəbər kodu: 1244225
Иран Хариҹи Ишләр Назирлијинин рәсми нүмајәндәси инсан һүгуглары шурасынын иҹласында гәбул едилмиш анти-Иран инсан һүгуглары гәтнамәсини рәдд едиб вә ону гејри-леҝитим адландырыб.
