АБНА24 Хәбәр Верир , Әфганыстандакы авиаширкәтләр билдирибләр ки, Талибан бу ширкәтләрә гадынларын киши гоһумларынын мүшајиәти олмадан тәјјарәләрә минмәсини дајандырмағы әмр едиб.
Әфганыстанын "Ариана Афҝһан һава јоллары" вә "Кам Аир" ширкәтинин ики рәсмиси Франса хәбәр аҝентлијинә билдириб ки, Талибан онлара тәк сәјаһәт едән гадынлара билет вермәмәји әмр едиб.
Талибан,һәмчинин декабр ајынын сонунда әфган гадынларына јахын киши аилә үзвү олмадан 72 километрдән чох мәсафә гәт етмәји гадаған едиб.
Јени мәһдудијјәт Талибанын орта мәктәбләрин гызлар үчүн бағлы галаҹағыны елан етмәсиндән тәкҹә бир нечә ҝүн сонра тәтбиг едилиб. Һансы ки, орта мәктәбләр ајларла давам едән мәһдудијјәтләрдән сонра өтән һәфтә бүтүн өлкә үзрә ачылмалы иди.
Әхлагын Тәблиғи вә Писликләрин Гаршысынын Алынмасы Назирлији, һәмчинин Кабилин иҹтимаи паркларында киши вә гадынларын ајрылмасыны әмр едиб вә билдириб ки, кишиләр вә гадынлар ејни ҝүнләрдә пајтахтдакы парклара ҝедә билмәзләр.
Талибан једди ај әввәл һакимијјәти әлә кечирдикдән сонра гадынлара гаршы сәрт мәһдудијјәтләр гојуб.
342/
30 mart 2022 - 11:16
Xəbər kodu: 1242994
Талибан һөкумәти әфган гадынларына киши гоһумлары олмадан учуша ҝетмәји гадаған едиб.
