АБНА24 Хәбәр Верир , Иран президентинин Азәрбајҹан Республикасынын президентинә үнванланан Новруз мүраҹиәтиндә дејилир: Руһ јүксәклији ҝәтирән Новрузун ҝәлиши, тәбиәтин вә торпағын јенидән ҹанланмасы вә 1401-ҹи ҝүнәш илинин ҝәлиши мүнасибәтилә Зати-алинизи вә өлкәнизин әзиз халгыны сәмими гәлбдән тәбрик едирәм. Новруз дәјәр јарадан сивилизасијанын символу вә тәзаһүрүдүр ки, онун кулминасија нөгтәси, Аллаһа ибадәт, аиләсевәрлик вә сүлһ јајмагдыр.
Сејид Ибраһим Рәиси Бөјүк Пејғәмбәр(с.ә.с)-ин баһара даир сөзләринә ишарә илә белә гејд едиб: Әзиз Ислам Пејғәмбәри (صلی الله علیه و آله الطاهرین و صحبه المنتجبین) бујурур: اذا رایتم الربیع فاکثروا فیها ذکر النشور- “Һәр заман баһары ҝөрәндә гијамәти чох хатырлајын”. Јаранышын әзәмәти барәдә дүшүнмәк вә тәбиәтин дәјишилмәсинә диггәт јетирмәк, гәлбин ојаныш мәнбәји, Аллаһын зикр едилмәси васитәси вә бәшәријјәтин инкишафы вә јүксәлиши үчүн бир васитәдир.
Дүнја халглары үчүн сүлһ вә тәһлүкәсизлјин бәргәрар олаҹағына үмид бәсләјән Иран президенти билдириб: Үмид едирәм ки, јени әсрдә јүксәк илаһи вә инсани дәјәрләрә доғру һәрәкәт даһа артыг сүрәт алаҹаг, о дијарын бүтүн инсанларынын үрәкләри вә руһлары үчүн Новруз кими даһа севинҹли вә хошбәхт ҝүнләр, реҝион халглары үчүн дә даһа чох асајиш вә һәмрәјлик баш верәҹәк.
Иран Ислам Республикасы бу мәдәни һәмрәјлијин ҝүҹләндирилмәси вә ҝенишләндирилмәсини бүтүн реҝион вә дүнја өлкәләри үчүн сүлһ вә асајиш мүждәчиси һесаб едир,/ бу истигамәтдә өз сәмими достлуг әлини бүтүн өлкәләрә тәрәф узадыр.
Азәрбајҹан Республикасы президентинә үнванланан мүраҹиәтин јекун һиссәсиндә дејилир: Аллаһ-Тааладан Зати-алинизә ҹансағлығы вә мүвәффәгијјәт, дост вә гардаш Азәрбајҹан Республикасына хошбәхтлик вә башыуҹалыг диләјир, сизә хејир вә бәрәкәтлә бол бир ил арзу едирәм.
342/
26 mart 2022 - 10:09
Xəbər kodu: 1242484
Иран президенти Азәрбајҹан Республикасынын президенти Илһам Әлијевә ҝөндәрдији мүраҹиәтдә тәбиәт баһарынын ҝәлиши мүнасибәтилә бу өлкәнин халгы вә һөкумәтини тәбрик едиб.
