"АБНА24", хәбәр верир ки, Профессор Курт Ричардсон Канаданын Торонто Университетиндә Ибраһим Динләри үзрә устаддыр. О, илаһијјат вә мүгајисәли илаһијјат фәнләри илә марагланан вә бу саһәдә мүхтәлиф маарифләндириҹи вә тәдгигат фәалијјәтләри олан шәхсијјәтләрдәндир. Профессор Ричардсонун тохундуғу мөвзулардан бири дә мүхтәлиф динләрдә "хиласкарын зүһур етмәси" мәсәләсидир. О, белә гәнаәтә ҝәлиб ки, динләр арасында ортаг мәсәләләрдән бири дә хиласкарын зүһуруну ҝөзләмәкдир. О, һәмчинин һесаб едир ки, бу мәсәлә динләр арасында диалог вә дин ардыҹылларынын тәфәккүрүнү бир-биринә јахынлашдырмаг үчүн јахшы мөвзу ола биләр. Профессор Ричардсон чыхышында "хиласкарлыг идејасы" мөвзусуна тохунуб ки, ашағыда охујуруг:
Динләрлә бағлы мүһүм мәсәләләрдән бири дә онларын јәһудилик, христианлыг вә Ислам китабларына, јәни Төврат, Инҹил вә Гурана әсасланан хиласкарлыг мөвзусунда бөјүк ортаглығыдыр. Бу динләрин әсасында хиласкарын зүһуру дајаныр. Бу прогноз тарих боју һәмишә олуб ки, әдаләт, јахшылыг вә илаһи рәһмәт ахыр заманда бәргәрар олаҹаг. Аллаһын буну неҹә етмәк истәдијини билмәк бизим үчүн чәтиндир.
Төврат, Инҹил вә Гуран бу мәсәләдә ортаг нәзәрә саһибдирләр. Бу ҝүн бизим динләрарасы диалога еһтијаҹымыз вар. Динләрин ортаг ҹәһәтләрини дүшүндүкдә ҝөрүрүк ки, бу үч дин хиласкарын зүһуруну ҝөзләјир. Кимин хиласкар олаҹағы фикримизи мәшғул етмәмәлидир. Даһа доғрусу, билмәлијик ки, һамымызын талеји ортагдыр вә биз өлүб дириләҹәјик вә бәшәријјәт илаһи һөкмранлыгла сона чатаҹаг. Одур ки, она һансы ад гојмағымыз өнәмли дејил, илаһи камала чатмаг вә илаһи вәдәнин һәјата кечмәси ваҹибдир.
Јәһудиләр Исанын ҝәлдијини ешидәндә, онлар үчүн өнәмли олан Исанын анасынын ким олдуғу иди. Гуран ачыг шәкилдә Исанын анасы Мәрјәм барәдә данышыр. Гуран Мәһәммәдин јени дин ҝәтирмәк үчүн дејил, һәгигәтдә, габагкы динләри тамамламаг үчүн ҝәлдијини демәк истәјир. Пејғәмбәр (с) христианлығы вә баш верән мүбалиғәләри дүзәлтмәјә ҝәлиб. Буна ҝөрә дә, Гуранда дејилир ки, Мәсиһ (ә) Аллаһын гулудур вә Мәсиһин ән јүксәк ролу бәндәликдир.
Гуран ардыҹылларындан мәһдәвијјәтә табе олмаларыны истәмәјимизлә јанашы, Меһдинин (ә.ҹ) Мәсиһдән (ә) ајры олмадығыны билмәләрини истәјирик. Дин ардыҹыллары арасында мөвҹуд олан бәдбинлији арадан галдырараг үмид, иман вә севҝи илә ортаг ҹәһәтләри дүшүнмәлијик.
Аллаһын заман бөлүмү бир хиласкарын зүһуруна сәбәб олаҹагдыр. Ислам, Христианлыг вә Јәһудилик мәтнләринин һеч бири зүһурун нә вахт баш верәҹәјини дәгигләшдирә билмәз. Һәтта Пејғәмбәрин (с) өзү дә бунун нә вахт олаҹағыны билмирди. Биз индики замандајыг вә ҝәләҹәји билмирик. Биз Меһдинин (ә.ҹ) зүһуруну истәјирик вә башга динләрин ардыҹыллары Хиласкарын зүһуруну ҝөзләјирләр. Һәзрәт Меһдинин (ә.ҹ) зүһуру ҝеҹикмишдир. Сәбир мүхтәлиф динләрдә вурғуланан мүһүм мәсәләдир.
Инҹилдә дејилир ки, Иса (ә) өз јолдашлары илә данышырды. О, һәзрәтдән сорушдулар ки, сән бизи башгаларындан даһа чох севирсән? Һәзрәт Иса (ә) бу барәдә данышмағы һеч севмир. Мәсиһ (ә) дејир ки, кимин сағымда вә ја солунда отураҹағына мән гәрар вермирәм. Бу сечим Аллаһладыр вә бу мөвге Меһдинин (ә.ҹ) мәгамы ола биләр.
342/
23 mart 2022 - 08:24
Xəbər kodu: 1241738
Ибраһим Динләри үзрә устад, Профессор Курт Ричардсон дејиб: "Динләрлә бағлы мүһүм мәсәләләрдән бири дә онларын јәһудилик, христианлыг вә Ислам китабларына, јәни Төврат, Инҹил вә Гурана әсасланан хиласкарлыг мөвзусунда бөјүк ортаглығыдыр. Бу динләрин әсасында хиласкарын зүһуру дајаныр."
