“Һәр тәрәф Русија әсҝәрләринин мејитләри илә долудур”

АБНА24 Хәбәр Верир , Русијанын Украјнаја гаршы һәрби әмәлијјатларынын 25-ҹи ҝүнүндә рус ордусу Кијевә јени һүҹума башламаг үчүн атәш васитәләрини ҹәмләшдирир вә лоҝистика гурур. Бу барәдә Украјна Силаһлы Гүввәләринин Баш гәрарҝаһынын јајдығы мәлуматында дејилир.

Мәлуматда билдирилир ки, Украјна гүввәләри Шәрг, Ҹәнуб-Шәрг вә Шимал-Шәрг ҹәбһәсиндә дөјүшләр апарыр. Һава һүҹумундан мүдафиә гүввәләри мүһүм објектләри вә јашајыш мәнтәгәләрини дүшмәнин һава зәрбәләриндән горумаға чалышыр. Өтән сутка әрзиндә Русија гүввәләри фәал һүҹум әмәлијјатларына ҹәһд ҝөстәрмәјибләр вә әсасән јашајыш мәнтәгәләринә ракет-артиллерија зәрбәләри ендирибләр.

Украјна рәсмиләринин дедијинә ҝөрә, Русија ордусу ҹанлы гүввә вә техника сарыдан ағыр иткиләр версә дә Кијеви ағыр шәртләрлә атәшкәсә мәҹбур етмәк үчүн јени һүҹум далғасы планлашдырыр. Украјна президенти Володимир Зеленски өтән ҝеҹә Русија халгына мүраҹиәт едиб вә билдириб ки, бу ҝүнә гәдәр Украјна торпагларында 14 миндән чох рус әсҝәри өлүб. Русијада исә бу иткиләрә мәһәл гојан јохдур. Үстәлик мејитләри дә јығышдырмырлар.

“Бизим өн хәтдә, хүсусән ағыр дөјүшләрин ҝетдији јерләрдә һәр тәрәфә Русија әсҝәрләринин мејитләри сәпәләниб. Вә бу мејитләри һеч ким јығышдырмыр. Әвәзиндә һүҹума јени һиссәләри ирәли говурлар. Русија команданлығы баҹардыгҹа һансыса еһтијат гүввәләри сәфәрбәр етмәјә чалышыр”, - Зеленски билдириб.

Бу арада Украјна әразисиндә һәрби әмәлијјатлар заманы Гара Дәниз Донанмасы командиринин һәрби-вәтәнпәрвәрлик ишләри үзрә мүавини, 1-ҹи дәрәҹәли капитан Андреј Палијин һәлак олуб.

Бу барәдә сосиал шәбәкәдә Севастопол Нахимов адына Һәрби Дәнизчилик Мәктәбинин иҹтимаи шурасынын катиби Константин Тсаренко јазыб.

Русијадан чохлу сајда әсир ҝөтүрүлдүјү дә иддиа олунур. Украјнада рәсми статистикаја ҝөрә һазырда 562 һәрби әсир вар. Буну Украјнанын баш назиринин мүавини Ирина Верешук билдириб.

"Һазырда Русијадан рәсми 562 һәрби әсиримиз вар. Өләнләри исә Гырмызы Хач тәшкилаты илә бирҝә сәнәдләшдиририк" - дејә Верешук билдириб.

Диҝәр тәрәфдән Алманијанын мүдафиә назири Ламбрехт ачыг шәкилдә дејиб ки, НАТО мүнагишәјә мүдахилә етмәјәҹәк вә Украјнада сәманы бағламајаҹаг.

Украјнанын дөвләт рәсмиләри хәбәрдарлыг едирләр ки, Авропа Иттифагынын сијасәтчиләринин һәр бир белә бәјанаты Русијаны Украјнада гырғыны давам етдирмәјә тәшвиг едир. "Әҝәр мүһарибәни танымырсынызса вә Путиндән горхурсунузса, һеч олмаса тәхрибат характерли бәјанатлар вермәјин", - дејә Украјна рәсмиләриндән бири билдириб.

342/