АБНА24 Хәбәр Верир , Русија Мүдафиә Назирлији илк дәфә олараг Украјнада һәрби әмәлијјатлар заманы һиперсәсли силаһын тәтбиг олундуғуну билдириб. Бу барәдә һәрби идарә сәһәр брифингиндә мәлумат вериб.
Русија Мүдафиә Назирлијинин нүмајәндәси Игор Конашенков билдириб ки һиперсәсли аеробаллистик ракетли "Кинжал" вә ја Хәнҹәр авиасија ракет комплекси тәрәфиндән Ивано-Франковск вилајәтиндә бөјүк јер алты һәрби сурсат анбары мәһв едилиб.
Онун сөзләринә ҝөрә, Русија гошунлары Одесса вилајәтиндә радиотехники кәшфијјат мәркәзләринә дә "Бастион" саһил ракетләрилә зәрбә ендирибләр.
2021-ҹи илин декабрында мүдафиә назири Серҝеј Шојгу һиперсәсли “Кинжал” ракетли МиГ-31к тәјјарәләрилә силаһланмыш әлаһиддә авиасија алајы барәдә билдирмишди. Һәмин илин пајызында Русија президенти Владимир Путин демишди ки, АБШ-ын ракет әлејһинә мүдафиә стратежи системини јерләшдирмәсинә ҹаваб олараг өлкә һиперсәсли силаһ дүзәлтмәјә башлајыб.
342/
20 mart 2022 - 08:40
Xəbər kodu: 1240972
Гуру гошунларынын мүхтәлиф истигамәтләрдә ирәлиләмәси проблемлә үзләшдикдә Кремл илк дәфә олараг Украјнада һиперсәсли ракет тәтбиг едиб.
