АБНА24 Хәбәр Верир , Февралын 24-дә Русија-Украјна савашынын башландығы ҝүндән бәри ики тәрәфин нүмајәндә һејәтләри арасында мүхтәлиф сәвијјәләрдә бир нечә раундда мүзакирә кечирилсә дә бу мүзакирәләр әһатәли атәшкәсә ҝәтириб чыхармајыбдыр.
Ики өлкәнин хариҹи ишләр назирләринин Түркијәдә кечирилән мүзакирәләриндә дә дујулаҹаг бир наилијјәт әлдә олунмајыбдыр. Бу мүзакирәләрин јеҝанә нәтиҹәси, мүлкиләрин һуманитар јоллардан чыхмалары үчүн бәзи бөлҝәләрдә һәләлик атәшкәсә зәминин јарадылмасы олубдур.
Украјна президенти Владимир Зеленски дүнән АБҸ телеканалы илә мүсаһибәдә үчүнҹү дүнја мүһарибәсинин башланмасы еһтималына даир суалын ҹавабында дејиб: Һеч кәс билмир. Бәлкә дә елә инди башламыш олсун. Украјнанын чөкдүјү бир һалда, үчүнҹү дүнја мүһарибәсинин башланмасынын нә әһәмијјәти вар?
Зеленски бу диалогун давамында иддиа едиб ки, Русија ордусу Чеченистан вә Әфганыстандакы тәләфатындан даһа чох хәсарәтә дүчар олубдур.
Украјна президенти бир даһа Русијаја гаршы санксијаларын тәтбиг едилмәси вә Украјнанын һава һүҹумундан мүдафиәјә малик олмасыны истәјиб.
Белә бир һалда, бундан өнҹә Ағ Ев-ин сөзчүсү Ҹенифер Псаки бир даһа рәсми Кијевин «учуш гадаға зонасы»нын јарадылмасы үзрә хаһиши, һәмчинин бәзи Авропа өлкәләринин Украјнаја гырыҹы тәгдим етмәк үзрә гәрарларына гаршы чыхыб.
БМТ-дәки дипломатик мәнбәләр дә дејирләр ки, Тәһлүкәсизлик Шурасынын Русијанын Украјна барәдәки һуманитар гәтнамә лајиһәси илә бағлы сәсвермәси мартын 18-дә кечириләҹәк.
342/
18 mart 2022 - 09:25
Xəbər kodu: 1240348
Русија илә дөјүшләрә сон гојмаг үзрә мүзакирәләрин давам етдијини билдирән Украјна президенти бу мүзакирәләрин чәтинлијиндән сөз ачыб.
