АБНА24 Хәбәр Верир , РеАЛ ИҺ үзвү, експерт Натиг Ҹәфәрли буну Азәрбајҹанын Хариҹи сијасәтиндә нөвбәти доғру аддым адландырыб. Онун сөзләринә ҝөрә, јени сәнәд бир чох аспектдән өнәмлидир, һәтта орта-узун заманда ҹидди игтисади фүрсәтләр јарадыр.
Експертә ҝөрә бу сәнәд Ермәнистан вә Русијанын әлиндә тәзјиг васитәси олан вә Ермәнистан әразисиндән кечмәси нәзәрдә тутулан Зәнҝәзур дәһлизинин әһәмијјәтини азалдыр – инди артыг бу тәзјиг аләтиндән Москва истифадә едиб мүәјјән ҝүзәштләр гопармаға чалышмајаҹаг. Затән о дәһлиз һәјата кечсә, јеҝанә сөз саһиби Русија олаҹагды, јоллар, коммуникасијалар Москванын там нәзарәтиндә олаҹагды. Инди исә топ Ермәнистан вә Русија тәрәфдәдир – јени реҝионал лоҝистик лајиһәләрин иштиракчысы олмаг истәјирләрсә, даһа јумшаг шәртләрлә Зәнҝәзур дәһлизинин ачылмасына разы олмалыдырлар. Бундан башга, һәтта ҝәләҹәкдә Зәнҝәзур дәһлизи ишә дүшсә белә, мүтләг алтернативи олмалыдыр – Кремлин нәзарәтиндә, Ермәнистанын әразисиндә олан коммуникасија хәтләри даим тәһлүкәдә ола, һәмишә тәзјиг васитәсинә чеврилә биләрди – Ирандан кечән алтернатив коммуникасија хәттләри бу тәзјиги амортизасија етмәјә көмәк олаҹаг.
Политолог Елхан Шаһиноғлу исә Азәрбајҹанла Иран арасында Азәрбајҹанын гәрб рајонлары илә Нахчыван арасында коммуникасија әлагәсинин јарадылмасы илә бағлы имзаланан сазиш һагда билдириб ки, Азәрбајҹанын Иранла имзаладығы меморандум бөлҝәдә јени дүзән јарадаҹаг.
Политолог Елхан Шаһиноғлуна ҝөрә Иран Азәрбајҹана имкан јарадыр ки, Бакы Ермәнистаны јенидән ојунданкәнар вәзијјәтә салсын, Ирәван Москваја ҝүвәнәрәк Гәрби Зәнҝәзур дәһлизинин ачылмасы мәсәләсини јубатды. Азәрбајҹан исә Ирана имкан јарадыр ки, јени дәһлиз васитәсилә бөлҝәдә ролуну вә ҝәлирләрини артырсын, бөјүк артеријанын тәркиб һиссәсинә чеврилсин.
342/
14 mart 2022 - 04:36
Xəbər kodu: 1238979
Азәрбајҹанла Иран арасында Азәрбајҹанын гәрб рајонлары илә Нахчыван арасында коммуникасија әлагәсинин јарадылмасы илә бағлы имзаланан сазиш ҝениш мүзакирә мөвзусу олмагда давам едир.
