АБНА24 Хәбәр Верир ,Русија Федерасијасы Мүдафиә Назирлијинин рәсми мәлуматында билдирилир ки, һүҹумлар “Украјнанын тәрксилаһына даир тапшырығын һәјата кечирилмәси” чәрчивәсиндә “јүксәк дәгигликли силаһлардан” истифадә едилмәклә һәјата кечириләҹәк.
Тоггушмаларын ҝениш вүсәт алмасы илә Британија дөјүшчүләриндән ибарәт илк көнүллү дәстәнин Русија һәрбчиләринә гаршы дөјүшмәк үчүн Украјнаја дахил олдуғу хәбәр верилир.
Русија онлары муздлу гүввәләр адландырыр вә бу барәдә Гәрб дөвләтләринә хәбәрдарлыг едир. Британијанын өзүндә дә һакимијјәт органлары бу мәсәләјә ҝөрә тәлаш ичәрисиндәдирләр вә Москваны инандырмаға чалышырлар ки, дөјүшчүләр өзбашына Украјнаја јола дүшүбләр.
Гејд едәк ки, бундан өнҹә Украјна рәсмиләри дүнјанын 52 өлкәсиндән көнүллүләрин Русијаја гаршы дөјүшмәк үчүн мүраҹиәт етдијини билдирмишди.
Бу арада АБШ-ын дөвләт катиби Ентони Блинкен ҸБС Неwс телеканалы илә мүсаһибәдә "Русија һәрбчиләри тәрәфиндән Зеленски өлдүрүләрсә, Украјнада нә баш верәҹәк?" суалына белә ҹаваб вериб: "Украјналыларын өз планлары вар, мән бу барәдә данышмајаҹағам вә тәфәррүатлара вармајаҹағам. Президентин өлдүрүләҹәји тәгдирдә һакимијјәтин фасиләсизлијинин тәмин едилмәси планы вар",- дејә Блинкен дејиб.
Ејни заманда дөвләт катиби үмид етдијини билдириб ки, Путин "удузмаға мәһкумдур".
Онун сөзләринә ҝөрә, шәһәри ҝөтүрмәк Украјна халгынын гәлбинин вә ағлынын фәтһ едилмәси демәк дејил.
АБШ дөвләт катиби һәмчинин тәсдиг едиб ки, Бирләшмиш Штатлар Полша илә Украјнаја Полшанын дөјүш тәјјарәләринин верилмәсини вә Полшаја бу тәјјарәләрин әвәзинә Американын гырыҹы тәјјарәләринин тәдарүкү барәдә мүзакирәләр апарыр.
342/
8 mart 2022 - 04:57
Xəbər kodu: 1237091
Русија Украјнанын һәрби сәнаје комплекси мүәссисәләрини зәрбәләрлә һәдәләјәрәк шәхси һејәти “һәјат тәһлүкәси” барәдә хәбәрдар едиб.
