АБНА24 Хәбәр Верир ,Иран Хариҹи Ишләр Назирлијинин сөзчүсү Сәид Хәтибзадә һәфтәлик мәтбуат конфрансында Иранын АБШ-ла бирбаша данышыглара даир мөвгејини шәрһ едәркән дејиб: "Иран Ислам Республикасынын јанашмасы бу ҝүнә гәдәр сабит олуб вә Теһран АБШ-ын гејри-шәффаф месажларына ҝөрә вә ја нәтиҹәнин нә олаҹағыны билмәдән дејил, АБШ-ын давранышына әсасән гәрар верир".
Хәтибзадә вурғулајыб: "Бу ҝүнә гәдәр АБШ-ын давранышында һәр һансы бир дәјишиклијин шаһиди олмамышыг вә онлар Иран халгына гаршы максимум тәзјиги давам етдирибләр".
Хәтибзадә МАГАТЕ-нин баш директору Рафаел Гроссинин Теһрана сон сәфәринә вә әлдә едилән разылашмалара тохунараг, сәфәринин техники характер дашыдығыны вә Вјана данышыгларынын давамы олдуғуну билдириб.
Иран Хариҹи Ишләр Назирлијинин сөзчүсү МАГАТЕ-нин техники суаллары илә Вјанада әлдә едилән разылашмалар арасында бирбаша әлагәнин олдуғуну вурғулајыб.
Хәтибзадә Русијанын хариҹи ишләр назири Серҝеј Лавровун Гәрбин Русијаја гаршы санксијаларынын Русија-Иран мүнасибәтләринә тәсир етмәмәли олдуғу илә бағлы ачыгламаларына диггәт чәкәрәк, дејиб: "Биз Лавровун ачыгламаларыны медиа органларында ҝөрмүшүк вә дипломатик каналлардан деталлары ешитмәји ҝөзләјирик".
Хәтибзадә Вјанада груп разылашмасынын әлдә едилмәсиндә Русијанын јанашмасынын конструктив олдуғуну билдириб вә дејиб: "Иранын сүлһмәрамлы нүвә әмәкдашлығы мәһдудлашдырылмамалы вә Иранын Русија вә Чинлә сүлһмәрамлы әмәкдашлығы да дахил олмагла, һеч бир санксијаларын тәсиринә мәруз галмамалыдыр".
Сионист режимин Вјана данышыглары илә бағлы һәрәкәтләринә ишарә едән Хәтибзадә дејиб: "Сионист режимин һәрәкәтләринин һәдәфи Авропа пајтахтлары вә 4+1 өлкәләридир. Ишғалчы Исраил режиминин сијасәти горху јаратмаг, тәхрибат төрәтмәк вә бејнәлхалг мәсәләләрин истәнилән дипломатик һәллини манипулјасија етмәкдир".
Иранын Хариҹи Ишләр Назирлијинин сөзчүсү Иранын НАТО-нун милитаризми илә бағлы мөвгеји барәдә дејиб: "Русијада АБШ вә НАТО-нун тәхрибатлары илә бағлы ҹидди нараһатлыг вар. Лакин мүһарибә һәлл јолу дејил вә инсанлар һөкумәт мүнагишәләриндән кәнарда галмалыдырлар".
342/
8 mart 2022 - 04:56
Xəbər kodu: 1237089
Иранын Хариҹи Ишләр Назирлијинин сөзчүсү дејиб: "Иран Ислам Республикасы Вјана данышыгларында АБШ-ын гејри-шәффаф месажлары әсасында дејил, онун давранышлары әсасында гәрар верир".
