АБНА24 Хәбәр Верир , Һәзрәт Ајәтуллаһулузма Хаменеи дүнја шиәләринин үчүнҹү имамы Һәзрәт Әба Әбдиллаһ Әл-Һүсејн әлејһиссәламын мөвлуд ҝүнүнү тәбрик едиб, о шәрәфли вүҹудун шиә вә гејри-шиә олмагла бүтүн мүсәлман халгларын, о сырадан Иран халгынын мәһәббәт мәркәзи олдуғуну билдирибләр.
Ислам Ингилабынын Бөјүк Рәһбәри дејибләр: Дүнјада истифадәси ҝүнү-ҝүндән артан вә реҝионумуздакы өлкәләрин дә сәмтинә доғру һәрәкәт етмәкдә олдуглары нүвә енержиси кими гејри-фосил енержиләрин, еләҹә дә күләк вә ҝүнәш енержиләринин ҝенишләндирилмәси мәсәләсинә ҹидди јанашмаг лазымдыр.
Ағаҹ әкмәји тамамилә дини вә ингилаби бир һәрәкәт адландыран Һәзрәт Ајәтуллаһулузма Хаменеи гејд едибләр ки, ағаҹларын горунуб сахланылмасы да сон дәрәҹә мүһүм бир мәсәләдир вә она риајәт етмәк ҝәрәкдир.
Ингилаб Рәһбәри сөјләјибләр: Әтраф мүһитин горунмасындакы ҹидди мәсәләләрдән бири, халгларын ики бөјүк сәрвәти вә һәјати еһтијатынын, јәни су вә торпағын горунмасы вә онлардан исрафчы јанашмадан чәкинмәдир ки, бу саһәдә мәсул шәхсләр мүтәхәссисләрин ҝөстәришләринә диггәт јетирмәлидирләр.
«Фаунанын мүһафизәси» диҝәр бир мәсәлә олубдур ки, Ислам Ингилабынын Бөјүк Рәһбәри она диггәтсизлији милли мәнафејин зәрәринә адландырыб вә белә сөјләјибләр: Исламда «ов»а, јалныз гидаланмаја еһтијаҹ оларкән иҹазә верилир, әкс һалда, иҹазәверилмәз олуб, ганун позунтусудур вә һәтта ов сәфәри һарам сәфәр сајылыбдыр.
О һәзрәт һәмчинин халгы ағаҹ әкмәјә вә ағаҹлары горујуб сахламаға чағырыблар.
342/
7 mart 2022 - 05:24
Xəbər kodu: 1236727
Ислам Ингилабынын Бөјүк Рәһбәри ағаҹәкмә ҝүнү мүнасибәтилә ики мејвә фиданы әкдикдән сонра тәмиз енержиләрин ҝенишләндирилмәси ваҹиблијини вурғулајыблар.
