АБНА24 Хәбәр Верир , Владимир Путин ҹүмә ахшамы ҝүнү ҝеҹә Сејид Ибраһим Рәиси илә сөһбәтдә ону Донетск вә Луганск халг республикалары илә достлуг, әмәкдашлыг вә гаршылыглы јардым барәдә сазишләр үзрә бејнәлхалг һүгуг нормаларына вә Русијанын өһдәликләринә әсасән, Донбас республикалары сакинләринин мүдафиәси истигамәтиндә хүсуси һәрби әмәлијјатларын кечирилмәси гәрары илә бағлы Украјна әтрафындакы вәзијјәтин ҝедишаты барәдә мәлуматландырыб.
Кремлин бәјанатында дејилир ки, Иран президенти дә өз нөвбәсиндә, АБШ вә НАТО-нун гејри-стабиллик јарадан һәрәкәтләринә ҝөрә, Русијанын тәһлүкәсизликлә бағлы нараһатлығыны дәркедилән адландырыб.
Рәиси вә Путин телефон сөһбәтинин давамында Иранын нүвә програмы илә бағлы Бирҝә Әһатәли Фәалијјәт Планынын горунуб сахланылмасы вә там шәкилдә иҹрасы үзрә дипломатик сәјләр әтрафында фикир мүбадиләси апарыблар.
Бунунла бағлы гејд олунуб ки, Вјана мүзакирәләри просесиндә јекун разылашманын әлдә едилмәси, реҝионал стабиллијин вә тәһлүкәсизлијин горунмасына көмәк едәҹәк.
Кремлин бәјанатынын сонунда дејилир: Ики өлкә башчысынын јанварын он доггузунда Москвада кечирилән зирвә ҝөрүшүнүн јекунларына ҝөрә, Иран вә Русија президентләри икитәрәфли әмәкдашлығы мүхтәлиф сәвијјәләрдә мөһкәмләндирмәк әзминдә олдугларыны вурғулајыблар.
342/
26 fevral 2022 - 07:35
Xəbər kodu: 1233504
Кремлин мәтбуат хидмәти билдириб ки, Иран Ислам Республикасынын президенти Ајәтуллаһ Сејид Ибраһим Рәиси вә Русија президенти Владимир Путин бир телефон сөһбәтиндә Вјана мүзакирәләри вә Украјнанын сон дуруму барәдә фикир мүбадиләси апарыблар.
