АБНА24 Хәбәр Верир , Путин бу барәдә рус халгына мүраҹиәт едиб, ардынҹа Донетск вә Луганск “республикалары”нын “мүстәгиллији”ни танымаг барәдә фәрман имзалајыб.
Кремлин мәтбуат хидмәти исә билдириб ки, Русија президенти Владимир Путин даһа әввәл Украјнанын ики бөлҝәсинин мүстәгиллијини таныјаҹағы барәдә Франса президенти Еммануел Макрон вә Алманија канслери Олаф Шолтсла телефон данышығы апарыб.
Сөһбәт заманы Путин дејиб ки, о, “ДХР” вә “ЛХР”ин мүстәгиллијинин танынмасы һаггында фәрман имзалајаҹаг.
Базар ертәсинин сон саатларына Русија президенти халга ҹанлы јајымла мүраҹиәт едиб.
Донбасда вәзијјәтин критик олдуғуну билдирән Путин Украјна тарихинә бахышыны ортаја гојуб. Дејиб ки, мүасир Украјнаны там шәкилдә өз тарихи торпагларынын бир һиссәси һесабына Русија јарадыб, амма сакинләр һеч вахт һеч нә сорушмајыб.
Ејни заманда Путин 1954-ҹү илдә Хрушшовун “нәјә ҝөрәсә” Крымы Украјнаја һәдијјә етдијини билдириб.
О дејиб: "Болшевикләр Донбасы сөзүн әсл мәнасында Украјнаја сыхышдырыблар. Болшевик сијасәти нәтиҹәсиндә Совет Украјнасы јаратды ки, бу ҝүн белә әсаслы сәбәблә ону “Владимир Илич Ленинин адыны дашыјан Украјна” адландырмаг олар”.
Онун сөзләринә ҝөрә, Русија әдаләтсизлијә бахмајараг, ССРИ дағыландан сонра өлкәләрин мүстәгиллијини таныјыб.
Путин гејд едиб ки, Украјна һеч вахт һәгиги дөвләтчилијә малик олмајыб, јалныз моделин сурәтини көчүрүб. Һазырда исә Украјна парчаланыб вә кәскин игтисади бөһран јашајыр.
Путинин Украјнанын ики бөлҝәсинин мүстәгиллијини танымасыны Гәрб дөвләтләри гынајыблар.
АБШ-ын АТӘТ-дәки сәфири Ҹејмс Ҝилмор дејиб ки, Русијанын Донетск вә Луганскын мүстәгиллијини танымасы Украјнанын суверенлијини позаҹаг.
Авропа Иттифагынын хариҹи ишләр вә тәһлүкәсизлик сијасәти үзрә али нүмајәндәси Ҹозеп Боррелл дә Русијанын бу аддымыны сәрт шәкилдә тәнгид едиб.
342/
22 fevral 2022 - 04:38
Xəbər kodu: 1232135
Русија Украјнанын сепаратчы реҝионлары олан Донетск вә Луганскын мүстәгиллијини таныјыб.
