Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Иран Ислам Республикасы вә Гәтәр һакимијјәти ики өлкәни бирләшдирәҹәк суалты тунелин тикинтиси илә бағлы данышыглар апарыр.
Бу барәдә базар ҝүнү Ислам Республикасынын Лиманлар вә Ҝәмичилик Тәшкилатынын иҹрачы директору Мәһәммәд Растад билдириб.
“Һазырда биз Гәтәрлә һава нәглијјаты, дәнизчилик вә лиман секторларында әмәкдашлыг, о ҹүмләдән суалты тунелин јарадылмасы илә бағлы данышыглар апарырыг. Иранын Дәјјер лиманы (Бушәһр) илә әрәб өкәсини бирләшдирәҹәк тунели уникал лајиһә адландырмаг олар”, - дејә о бәјан едиб.
Растадын сөзләринә ҝөрә, Иран Ислам Республикасынын президенти Ајәтуллаһ Сејјид Ибраһим Рәиси февралын 20-дән 22-дәк кечириләҹәк Газ Ихраҹ едән Өлкәләрин Форумунда иштирак етмәк үчүн февралын 21-дә Гәтәрә сәфәр едәҹәк. Сәфәр чәрчивәсиндә тунелин иншасы үзрә мүвафиг сазишләрин имзаламасы да ҝөзләнилир.
Диггәт: Хәбәрдән Истифадә Етдикдә Мәнбәјә Истинад Лазымдыр!
