АБНА24 Хәбәр Верир , Ислам Ингилабынын Бөјүк Рәһбәри Һәзрәт Ајәтуллаһулузма Хаменеи Тәбриз әһалисинин ҝүнәш тәгвими илә 1356-ҹы ил 29 бәһмәндәки тарихи гијамынын илдөнүмү ҝүнү әрәфәсиндә Шәрги Азәрбајҹан вилајәтинин әһалисиндән бир групу илә видео-бағлантыда белә дејибләр: Реҝионда инкишаф етмәкдә олан мүгавимәт империализмин һејбәтини дармадағын едиб вә Американын гаршысында халгларын дилини ачыбдыр ки, ингилабын давам етмәсилә бу немәтин гәдрини билмәлијик.
О һәзрәт әлавә едибләр: Ингилабын һәдәфләри, әсл вә һәртәрәфли мадди вә мәнәви инкишаф, иҹтимаи әдаләтин реаллашмасы, өлкәнин гүдрәти, ислами ҹәмијјәтин тәшкили вә сонда бөјүк вә модерн ислами сивилизасијанын формалашмасыдыр.
Һәзрәт Ајәтуллаһулузма Хаменеи динҹмәгсәдли нүвә енержисини ҝәләҹәјин диҝәр әсас еһтијаҹларындан адландырыб вә белә сөјләјибләр: Дүшмән ҹәбһәсинин Иранын нүвә мәсәләси үзәриндә дурмасы вә бизим динҹмәгсәдли истифадәмиздән хәбәрдар олмаларына рәғмән, залымҹасына санксијалар тәтбиг етмәси вә Иранын атом силаһы илә јахын мәсафәдә олмасы кими еһтимал едилән сөзләрин бәјан едилмәсинин сәбәби, Иранын ҝәләҹәк еһтијаҹынын тәмин едилмәси истигамәтиндә өлкәнин елми инкишафынын гаршысыны алмагдыр.
Ислам Ингилабынын Бөјүк Рәһбәри Иранын мүхтәлиф секторлардакы һејрәтләндириҹи елми ирәлиләјиши, һәмчинин бејнәлхалг мәркәзләрин Иранын орта бејнәлхалг сәвијјәдән бир нечә дәфә чох елми инкишаф сүрәтини етираф етмәләринә ишарә илә белә гејд едибләр: Ингилаб һәмчинин тибб вә сағламлыг хидмәтләри, су вә електрикин чәкилмәси, су бәндләринин тикилмәси вә јолчәкмә кими әсас инфраструктурларда һејрәтҝәтириҹи ирәлиләјишләрә сәбәб олубдур ки, әҝәр ингилаб вә ҹиһади һәрәкәт олмасајды, мүтләг шәкилдә бу ирәлиләјишләр әлдә олунмазды.
О һәзрәт бејнәлхалг мәркәзләрин ингилабдан сонра Иранын игтисади ҝөстәриҹиләринин јахшылашмасы һагдакы нәзәрләринә ишарә илә дејибләр: Дүнјанын танынмыш игтисади мәркәзләринин мәлуматларына ҝөрә, Иранда бөјүк ирәлиләјишләр баш вериб. Ејни заманда дахили истеһсалчынын өзүнәинамынын артмасы вә бир чох вәсаитләрин истеһсалында игтисади мүстәгиллик саһәләриндә мүһүм ирәлиләјишләримиз олуб.
Һәзрәт Ајәтуллаһулузма Хаменеи «игтисади тәзјиг»и вә «медиа әмәлијјаты»ны, империализмин Иран халгыны гурулушдан ајырмаг вә онун фикирләринә әл ҝәздирмәк үзрә ики әсас васитәси адландырыб вә белә дејибләр: Ингилабын ирәлиләјишиндә тәсирли олан мәркәзләрә вә ингилаб органларына гаршы јалан сөјләмәк вә төһмәт вурмаг, медиа әмәлијјатларында истифадә едилән үсуллардыр.
342/
18 fevral 2022 - 09:49
Xəbər kodu: 1230737
Ислам Ингилабынын Бөјүк Рәһбәри вурғулајыблар ки, реҝионда инкишаф етмәкдә олан мүгавимәт империализмин һејбәтини дармадағын едиб.
