АБНА24 Хәбәр Верир , 44 ҝүнлүк мүһарибәдән бир илдән чох заман кечсә дә һәлә Азәрбајҹан торпагларында јарадылмыш гејри-гануни сеператчы режим фәалијјәтини давам етдирир вә онун башчыларына гаршы рәсми Бакы тәрәфиндән һеч бир өлчү ҝөтүрүлмәјиб. Бу ҝүн исә Баш Прокурорлуғун Истинтаг Идарәсинин рәиси Немәт Әвәзов Араик Арутунјанын тутулараг истинтага ҹәлб олунмасынын тәмин едиләҹәјиндән хәбәр вериб. Бу ачыглама Ханкәндидәки сепаратчы режимә гаршы пассивлик вә еһтијатлы давранмаја сон гојулаҹағы барәдә фикир формалашдырыр.
Немәт Әвәзов билдириб: “Үмид едирик ки, гыса мүддәтдә ҹинајәт төрәтмиш һәр бир шәхсин, о ҹүмләдән Араик Арутунјанын вә диҝәрләринин тутулараг истинтага ҹәлб едилмәси тәмин олунаҹаг”.
Баш Прокурорлуғун Истинтаг Идарәсинин рәиси бу гәрары 44 ҝүнлүк мүһарибә заманы Ҝәнҹә шәһәринә гаршы ракет һүҹумунун мәсулијјәтини Араик Арутунјанын өз үзәринә ҝөтүрмәси илә әсасландырыб.
Немәт Әвәзов гејд едиб ки, буна ҝөрә дә онунла бағлы Ҹинајәт Мәҹәлләсинин дөвләтә хәјанәт вә диҝәр маддәләри илә ҹинајәт иши башланылараг ахтарыша верилиб.
Експертләрә ҝөрә Азәрбајҹан Республикасы дахилиндә сепаратчы режимин мөвҹудлуғу гејри-гануни олдуғундан онун башчысы вә һәрһансы ишчиси вә гурумлары ҹинајәт ишинә ҹәлб олуна биләр вә бунун үчүн һансыса сәбәб ахтармаға еһтијаҹ јохдур.
Тәнгидчиләрә ҝөрә рәсми Бакы Русија вә гәрб дөвләтләринин истәкләрини нәзәрә алараг сепаратчылара гаршы һәрһансы тәдбир ҝөрмәкдән чәкинир.
342/
15 fevral 2022 - 15:27
Xəbər kodu: 1229863
Азәрбајҹан Республикасы Баш Прокурорлуғунун Истинтаг Идарәсинин рәиси Немәт Әвәзов Араик Арутунјанын тутулараг истинтага ҹәлб олунмасынын тәмин едиләҹәјиндән хәбәр вериб.
