АБНА24 Хәбәр Верир, гәләбә Иранда 2500 иллик монархијаја сон гојан Имам Хомејнинин рәһбәрлији алтында әлдә едилди вә өлкәдә дини демократијаја әсасланан Ислам Республикасы гурулушу бәргәрар олду. Гурулдуғу ҝүндән исә тәкәббүрлү гүдрәтләрин тәзјигләринә мәруз галды.
Конкрет олараг Ислам Республикасы бүтүн һәјаты боју АБШ-ын арамсыз дүшмәнчилијинин һәдәфи олду вә мәһз бу дөвләтин тәһрики илә Сәддам режими тәрәфиндән һәрби тәҹавүзә мәруз галараг, 8 ил узанан ағыр сынағы архада гојду вә әлбәттә ки, халг өзүнүн Мүгәддәс Мүдафиәсини гәләбә илә баша вурду.
Бу ҝүн дүшмәнләрин бүтүн саботажларына вә игтисади тәзјигләринә бахмајараг, мәмурларын сәјләри вә Иран халгынын мүгавимәти өз бәһрәсини вермәкдәдир.
Иран Ислам Республикасы сон 43 илдә нәзәрә чарпаҹаг дәрәҹәдә ирәлиләјиб. Сағламлыг саһәсиндә Иран 1960-дан 2017-ә гәдәр узун өмүрлүлүк индерксинә ҝөрә инкишаф едәрәк једдинҹи јери тутду. Бу ҝүн Иран Ислам Республикасы дүнјада коронавирус пејвәнди истеһсал едән илк 10 өлкә арасындадыр. Енержи саһәсиндә Иран Енержи Инкишафы Индексиндә икинҹи, нефт истеһсалында дүнјада үчүнҹү, електрик истеһсалында 15, бензин истеһсалында 16-ҹы јердәдир. Нүвә енержиси саһәсиндә Иран там нүвә јанаҹағы истесал едән 13 өлкәдән биридир вә ураны зәнҝинләшдирмә габилијјәтинә саһиб 14 өлкәдән биридир.
Иран Ислам Республикасынын сон 42 илдә газандығы әсас уғурлардан бири дә јүксәк мүдафиә габилијјәтинә наил олмасыдыр. Ислам Ингилабындан сонра Иран мүхтәлиф елми саһәләрдә тәгдирәлајиг ирәлиләјишләрә имза атды, лакин ингилабдан сонра, бәлкә дә өлкәнин ән стратежи технолоҝијасы нүвә сәнајеси олду ки, бу да Гәрб өлкәләринин гысганҹлығына сәбәб олду, чүнки онлар бу технолоҝијаны өз инһисарларында сахламагда исрарлыдырлар. Она ҝөрә дә дүшмән өлкәләр Иранын нүвә програмынын инкишафына мане ола билмәјәҹәкләрини анладыгдан сонра бу саһәдә мәһдудијјәтләр гојдулар. Бүтүн бу мәһдудијјәтләрә бахмајараг, Иран јүксәк дәрәҹәдә зәнҝинләшдирмә габилијјәтини әлдә етди вә Гәрбин санксијалары вә тәһдидләринә бахмајараг, Иран нүвә јанаҹағы истеһсал едән өлкәләр сырасына гатылды.
Иранын тибб саһәсиндәки ирәлиләмәси дә ҝөз габағындадыр. Бу саһәдә Иранын гаршысына гојдуғу мәгсәдләрин демәк олар ки, һамысы өзүнү доғрулдуб. Вә Ислам Ингилабынын Алимәгам Рәһбәри Һәзрәт Ајәтуллаһүл-үзма Хаменеинин даһијанә лидерлији сајәсиндә Иран халгы бөјүк инамла ирәлијә доғру аддымлајыр, мүһарибәдән зәрәр ҝөрмүш бөлҝәләрин бәрпасы да дахил олмагла өз тәҹрүбәләрини тәмәннасыз шәкилдә Азәрбајҹан Республикасы кими гардаш өлкәләрә тәгдим етмәјә һазырдыр.
342/
8 fevral 2022 - 11:13
Xəbər kodu: 1227318
Ислам Ингилабынын шанлы гәләбәсинин 43-ҹү илдөнүмү Иран Ислам Республикасында тәнтәнәли шәкилдә гејд олунур.
