АБНА24 Хәбәр Верир, ДТХ-нин Иҹтимаи әлагәләр шөбәси билдириб ки,
"Азәрбајҹан Республикасы 7 феврал 2022-ҹи ил тарихдә 8 нәфәр ермәни әсилли һәрби гуллугчуну Ермәнистан тәрәфинә гајтармышдыр. Һәмин шәхсләрин бир гисми 2021-ҹи илин 16 нојабр тарихиндә Ермәнистан силаһлы гүввәләринин дөвләт сәрһәдинин Кәлбәҹәр рајону истигамәтиндә төрәтдији тәхрибатын гаршысы алынаркән сахланылан һәрби гуллугчулардыр.
Мәлуматда Ермәнистан тәрәфинин бунун гаршылығында нә етмәли олдуғу барәдә дејилир: Бу аддымынын әвәзиндә Ермәнистан тәрәфи биринҹи Ермәнистан-Азәрбајҹан мүһарибәсиндә өлдүрүлмүш вә күтләви мәзарлыгларда басдырылмасы еһтимал едилән һәрби вә мүлки Азәрбајҹан вәтәндашлары һаггында мәлуматлары, һабелә бу гәбилдән олан күтләви мәзарлыгларын јерләри барәдә мәлуматы Азәрбајҹан тәрәфинә вермәлидир.
Ермәни әсирләрин Ермәнистан гајтарылмасынын Франса президенти Емануел Макрон вә Авропа Иттифагы Шурасынын Президенти Шарл Мишелин тәләби илә баш тутдуғу дејилир.
Өнҹә дә Русија вә Гәрб дөвләтләринин исрарлары нәтиҹәсиндә Азәрбајҹан Республикасы үчтәрәфли бәјанатдан сонра сахланылан ермәни һәрбчиләрини Ермәнистана тәһвил вермишди. Онларын гаршылығында исә миналанмыш әразиләрин хәритәләри алынмышды. Анҹаг сонралар рәсми Бакы бу хәритәләрин гејри-дәгиг вә јетәрсиз олдуғуну билдирди.
342/
8 fevral 2022 - 11:09
Xəbər kodu: 1227311
Азәрбајҹан Республикасы 10 нојабр бәјанатындан сонра бу өлкә әразисинә тәхрибат төрәтмәк үчүн дахил олдуғуну билдирдији, һәрби диверсантлар адландырдығы ермәниләрдән 8-ни Ермәнистана тәһвил вериб.
