Әһли-Беjт (әлеjһимус сәлам) – Хәбәр Аҝентлиjи АБНА-нын вердиjи мәлумата әсасән, АБШ вә Словакиjа арасында һәрби әмәкдашлыг һаггында сазиш имзаланыб. Вашингтонда сәнәди АБШ дөвләт катиби Ентони Блинкен, Словакиjанын мүдафиә назири Јарослав Над вә Словакиjанын хариҹи ишләр назири Иван Корчок имзалаjыб.
Мүвафиг сазиш АБШ-а Словакиjадакы һәрби мөвҹудлуғуну ҝенишләндирмәjә имкан верәҹәк.
Сәнәд гүввәjә минмәси үчүн Словакиjа парламенти тәрәфиндән ратификасиjа едилмәли вә өлкә президенти тәрәфиндән тәсдигләнмәлидир.
Һәрби мүгавиләнин бағланмасы етиразларын баш вердиjи Словакиjада бирмәналы гаршыланмаjыб. Тәнгидчиләр буну республиканын суверенлиjинин итирилмәсинә вә АБШ гүввәләри тәрәфиндән Словакиjа ганунларынын позулмасына сәбәб ола биләҹәjини деjирләр.
Блинкен геjд едиб ки, АБШ Словакиjада өзүнүн даими һәрби базаларыны jаратмаjаҹаг вә бу өлкәдә даими олараг гошунларыны jерләшдирмәjәҹәк.
Хатырладаг ки , АБШ Авропаjа һәрби трансферә башлаjыб. Тәхминән 2000 һәрбчи Шимали Каролинадакы һәрби базаны тәрк едиб. Онлар Полша вә Алманиjада jерләшдириләҹәк. Алманиjадан даһа минә jахын АБШ әсҝәри Румыниjаjа ҝөндәриләҹәк.
Диггәт: Хәбәрдән Истифадә Етдикдә Мәнбәjә Истинад Лазымдыр!
