АБНА24 Хәбәр Верир, Һүсејн Әмир-Абдуллаһиан дүнән ахшам Ислам Әмәкдашлығы Тәшкилатынын баш катиби Һүсејн Ибраһим Таһа илә телефон әлагәсиндә онунла Ислам Дүнјасы вә Ислам Үммәтинин мәсәләләри, Иран илә бу тәшкилат арасында ики вә чохтәрәфли әмәкдашлыг вә әлагәләр просеси, Иранын бу тәшкилат јанындакы нүмајәндәлијинин јенидән ачылмасы вә ики тәрәфи марагландыран бәзи реҝионал мәсәләләр әтрафында фикир мүбадиләси апарыб.
Әмир-Абдуллаһиан Ислам Әмәкдашлығы Тәшкилатынын баш катибинин Иранын Ҹиддәдә, бу тәшкилатын катиблији јанындакы нүмајәндәлијинин јенидән ачылмасы үзрә сәјләрини јүксәк гијмәтләндириб.
Һүсејн Ибраһим Таһа да бу телефон сөһбәтиндә Иран Ислам Республикасынын бу тәшкилатын нәздиндәки нүмајәндәлијинин јенидән ачылмасы вә фәал иштиракыны алгышлајыб.
Таһа Ислам Әмәкдашлығы Тәшкилатынын тәсисчи вә фәал үзвү кими Иранын ролуну сон дәрәҹә мүһүм вә тәсирли адландырыб. Вурғулајыб ки, бу тәшкилат бүтүн ислами өлкәләрин иштиракы вә актив әмәкдашлығы олмадан Ислам Дүнјасынын проблемләрини һәлл етмәјә гадир олмајаҹаг.
Биз бүтүн гардашлар вә үзвләри бу тәшкилата там дәстәк вермәјә чағырырыг.- дејә, Һүсејн Ибраһим Таһа билдириб.
Иран-Әрәбистан данышыглар просесинин кечирилмәсинә дәстәк елан едән Ислам Әмәкдашлығы Тәшкилатынын баш катиби вурғулајыб ки, ислами өлкәләр арасында проблемләрин баш вермәси тәәссүф вә нараһатлыг доғурур вә бу тәшкилат мүсәлман вә гардаш өлкәләри сүлһ вә диалога чағырыр.
342/
4 fevral 2022 - 13:30
Xəbər kodu: 1225893
Иранын хариҹи ишләр назири вурғулајыб ки, Иран вә Сәудијјә Әрәбистаны реҝионун вә Ислам Дүнјасынын мүһүм өлкәләридирләр. О, Иран-Әрәбистан һәмкарлығынын реҝионун вә Ислам Дүнјасынын проблемләринин һәллинә көмәк едәҹәјинә үмидварлыг едиб.
