АБНА24 Хәбәр Верир, Спутник јазыр ки, сон дөврләр Азәрбајҹан-Иран мүнасибәтләриндә мүшаһидә олунан јахынлашманы интенсив сәфәрләр вә ики өлкә рәсмиләри тәрәфиндән верилән ачыгламалардан да ҝөрмәк олур.
Иранын Силаһлы Гүввәләринин Баш Гәрарҝаһ рәиси ҝенерал-лејтенант Мәһәммәдһүсејн Багири дејиб ки, онун өлкәси һәр заман Азәрбајҹанын әрази бүтөвлүјүнү таныјыб вә суверенлијинә һөрмәтлә јанашыб: "Азәрбајҹанын әразиләрини ишғалдан азад етмәси Ираны севиндирир. Биз өз өлкәмизин әрази бүтөвлүјү кими, Азәрбајҹанын да әрази бүтөвлүјүнә һәссаслыгла јанашырыг".
Мөвзу илә бағлы политологлар Әһмәд Әлили вә Илјас Һүсејнов фикирләрини бөлүшүбләр.
Политолог Әһмәд Әлили гејд едиб ки, Азәрбајҹан мүдафиәсини ҝүҹләндирмәк үчүн мүхтәлиф әмәкдашлыглар ичәрисиндәдир. Азәрбајҹанын Русијадан, Түркијәдән, Исраилдән, Пакистандан вә диҝәр өлкәләрдән һәрби тәјинатлы мәһсулларын алынмасы илә бағлы әмәкдашлығы мөвҹуддур. Азәрбајҹан тәкҹә бир өлкәнин дәстәји илә өз мүдафиә вә тәһлүкәсизлијини лимитләндирмәк нијјәтиндә дејил.
Политолог Илјас Һүсејнов исә һесаб едир ки, Иран БГ рәисинин сон ачыгламалары ики өлкә арасындакы меһрибан гоншулуг сијасәтиндән ирәли ҝәлир: "Азәрбајҹан Ираны тарихи бағлары олан вә меһрибан гоншулуг сијасәти чәрчивәсиндә әмәкдашлыг мүнасибәти формалашмыш бир өлкә кими нәзәрдән кечирир".
Илјас Һүсејновун фикринҹә, ҝөрүнән одур ки, Иран реҝионда әмәкдашлыг мүнасибәтләринин ҝенишләндирилмәсиндә мараглыдыр: "Белә бир заманда Иран БГ рәисинин Азәрбајҹана һәрби-дипломатик мүстәвидә дәстәк характерли чыхышы тәгдир олунур".
Белә бир бәјанат ҝәләҹәкдә әлагәләрин даһа да сыхлашдырылмасына хидмәт едир дејән политолог әлавә едиб ки, бундан сонра мүнасибәтләрин әһатә даирәси даһа да ҝенишләнәҹәк.
342/
2 fevral 2022 - 19:39
Xəbər kodu: 1225330
Спутник Хәбәр Аҝентлији Иранын Силаһлы Гүввәләринин Баш Гәрарҝаһ рәиси ҝенерал-лејтенант Мәһәммәдһүсејн Багиринин АЗӘРТАҸ-а мүсаһибәсиндә дедикләри барәдә експертләрин фикрини өјрәниб.
