Ермәнистан Анталја Конфрансында иштиракы һагда гәрар верә билмир

АБНА24 Хәбәр Верир, Ермәнистан парламентиндә Хариҹи Әлагәләр Комитәсинин сәдри Едуард Ағаҹанјан журналистләрлә сөһбәтиндә дејиб ки, һазыркы анда иштиракла бағлы јекун гәрар јохдур.

Бундан әввәл мәтбуатда Анталјада кечириләҹәк конфрансда Түркијәнин хариҹи ишләр назири Мөвлуд Чавушоғлунун ермәни һәмкары Арарат Мирзојан вә Ермәнистан дөвләтинин Түркијә илә диалог үзрә нүмајәндәси Рубен Рубинјанын дипломатик форумда иштирак едәҹәји барәдә ачыглама јајылмышды.

Хатырладаг ки, сон ҝүнләр Ермәнистанын баш назири Никол Пашинјан бөјүк еһтималла Анталја Дипломатија Форумунда (АДФ) иштирак едәҹәкләрини вә Түркијә илә мүнасибәтләри нормаллашдырмаг истәдијини билдириб.

Түркијә вә Ермәнистанын хүсуси нүмајәндәләринин данышыгларыны давам етдирдикләрини дејән Пашинјан, “Түркијә илә илкин шәрт олмадан дипломатик әлагәләр гурмаг истәјирик. Просес белә давам едәрсә, Ермәнистанын Анталјада кечириләҹәк Дипломатик Форумда иштирак етмә еһтималы јүксәкдир.

“Фаҹебоок”да јајымланан мәтбуат конфрансында Ермәнистанын баш назири Пашинјан өлкәсинин Түркијә илә мүнасибәтләри нормаллашдырмаг истәдијини вурғулајараг: “Биз Түркијә илә дипломатик әлагәләр гурмаг вә сәрһәдләри ачмаг истәјирик. Биз кечмишдә уғур газанмамышыг вә бу тәҹрүбәдән истифадә етмәлијик” јазмышдыр.

Түркијәнин хариҹи ишләр назири Мөвлуд Чавушоғлу даһа әввәл бәјан етмишди ки, 11-13 март тарихләриндә кечириләҹәк АДФ-јә Ермәнистандан да рәсмиләр дәвәт олунуб.

Лондонда нәшр олунан Араб Wееклј һәфтәлик мәҹмуәси бидирир ки, сон һәфтәләрдә Түркијә вә Ермәнистанын илк дәфә мүнасибәтләри нормаллашдырмаға чалышдығына даир ачыгламалар ән азы мүәјјән барышыг үмидини јарадыб.

Мәгаләдә даһа сонра дејилир: 2008-ҹи илдә Ирәван вә Анкара Азәрбајҹанын Түркијәјә тәзјигләри уғурсузлуға дүчар олана гәдәр сәрһәдләрин ачылмасы илә бағлы бир сыра данышыглара башладылар. Амма бу дәфә Түркијә һәтта Бакынын гојдуғу мәһдудијјәтләрә зидд олараг Ермәнистанла мүнасибәтләрә ҝирәҹәјини ачыг шәкилдә бәјан едир.

342/