АБНА24 Хәбәр Верир, Иран Ислам Республикасынын Јоллар вә шәһәрсалма назири Рүстәм Гасиминин Азәрбајҹан Республикасына сәфәрини 13-ҹү һөкумәтин гоншу дөвләтләрлә әмәкдашлығы ҝенишләндирмәк истигамәтиндәки һәрәкәти кими гијмәтләндирмәк олар.
Азәрбајҹан Республикасы Милли Нәглијјат Хидмәти Мәркәзинин рәһбәри Анар Резајев хүсуси олараг вурғулајыб ки, Иранын бу сијасәти Азәрбајҹанда јүксәк гијмәтләндирилир. Тарихи вә мәдәни ортаглыглар, бирҝә игтисади әмәкдашлыг саһәләри вә Иран Ислам Республикасынын Дағлыг Гарабағ мүнагишәсиндә Азәрбајҹан Республикасынын әрази бүтөвлүјүнү дәстәкләмәси вә Азәрбајҹан һакимијјәтинин јенидән гурума ишләриндә Иранын да иштирак етмәсини хаһиш етмәси әлагәләрин ҝәләҹәји үчүн јени перспектив ачыр вә ики өлкә арасында мүнасибәтләрин дәринләшмәсиндән хәбәр верир. Икитәрәфли вә чохтәрәфли әмәкдашлығын диҝәр истигамәти енержи саһәсиндә әмәкдашлыгдыр. Диҝәр тәрәфдән Азәрбајҹан вә Иран президентләринин Ашгабад ҝөрүшүндән сонра газ мүбадиләси һәјата кечирилди. Вә буну ики өлкә әмәкдашлығында мүһүм һадисә кими гијмәтләндирмәк лазымдыр.
Експертләрин фикринҹә, Иранла Азәрбајҹан арасында мүхтәлиф саһәләрдә әмәкдашлыг имканларынын јүксәк олмасына бахмајараг, ики өлкәнин тиҹарәт имканларындан һәлә дә лазымынҹа истифадә едилмәјиб. Она ҝөрә дә тәхмин етмәк олар ки, Гарабағын ишғалдан азад едилмиш әразиләриндә транссәрһәд тиҹарәтин инкишафы, Астара-Чај автомобил көрпүсүнүн тикинтиси, транзит вә автомобил нәглијјаты проблемләринин һәлли, Хәзәр һөвзәсиндә әмәкдашлығын ҝенишләндирилмәси вә онларла диҝәр лајиһә Рүстәм Гасиминин Азәрбајҹан Республикасына сәфәри заманы ҝениш мүзакирә олунуб.
Ајдын мәсәләдир ки, әлагәләрин инкишафыны әнҝәлләјән манеәләрин арадан галдырылмасы үчүн һәр ики тәрәф өзүндән ҝүҹлү ирадә нүмајиш етдирир.
342/
26 yanvar 2022 - 17:45
Xəbər kodu: 1222849
Иран Ислам Республикасынын јоллар вә шәһәрсалма назиринин Азәрбајҹан Республикасына сәфәри чәрчивәсиндә Фүзулидән ҝөрүш кечирмәси бәрпа ишләриндә Иранын да рол ојнајаҹағына ејһам вурду.
