Пашинјан: “Ермәнистан сәмимијјәтлә Түркијә илә мүнасибәтләри нормаллашдырмаг истәјир”

АБНА24 Хәбәр Верир, Ермәнистанын баш назири бәјан едиб ки, онун өлкәси сәмимијјәтлә Түркијә илә мүнасибәтләри нормаллашдырмаг истәјир.

Никол Пашинјан онлајн мәтбуат конфрансында дејиб: "Ирәван сәмимијјәтлә Анкара илә мүнасибәтләри нормаллашдырмаг, дипломатик әлагәләр гурмаг вә сәрһәдләри ачмаг истәјир”.

Ермәнистан һөкумәтинин башчысы бәјан едиб ки, әввәлләр бу мүмкүн олмајыб вә Ирәван һәмин тәҹрүбәдән истифадә етмәлидир.

Баш назирә суал верилиб: “Бу ил дипломатик мүнасибәтләрин гурулмасы мүмкүндүрмү? Пашинјан ҹаваб вериб: Билмирәм, һәр шеј биздән асылы дејил. Амма һесаб едирәм ки, биз белә бир нәтиҹә әлдә етсәк, кифајәт гәдәр мәнтигли оларды: һәм дипломатик мүнасибәтләрин гурулмасы, һәм дә сәрһәдләрин ачылмасы”.

Онун сөзләринә ҝөрә, Ермәнистан Анкара илә данышыгларын динамикасыны сахламагла Түркијә тәрәфинин Анталјада кечириләҹәк дипломатик форумда иштирак етмәк дәвәтини гәбул едә биләр.

О әлавә едиб: "Артыг бизим Ермәнистан-Түркијә мүнасибәтләринин низамланмасы үзрә хүсуси нүмајәндәләрин ҝөрүшү олуб. Вә бу динамика давам едәрсә, о заман Ермәнистанын Анталјада кечириләҹәк дипломатик форумда иштирак етмә еһтималы јүксәкдир. Сөһбәти давам етдирмәк фүрсәтини әлдән версәк, мәнтигсиз оларды. Гејд едәк ки, бејнәлхалг иҹтимаијјәт мүнасибәтләрин һәлли просесини дәстәкләјир, о ҹүмләдән Русија, АИ, АБШ вә реҝион дөвләтләри”, - дејә Пашинјан билдириб.

342/