АБНА24 Хәбәр Верир, Мәҹид Тәхти-Рәванчи шәнбә ҝүнү ҝеҹә билдириб ки, Иранын Бирләшмиш Милләтләр Тәшкилатына тәхирә дүшмүш борҹу өдәнилиб вә Нју-Јоркда һесаба кечдикдән сонра Иран Ислам Республикасынын сәсвермә һаггы базар ертәси ҝүнү ҝери дөнәҹәк.
Иранын БМТ-дәки даими нүмајәндәсинин дедијинә ҝөрә, Иран Ислам Республикасы бу бејнәлхалг органын фәал үзвү кими һәмишә өз үзвлүк һаггыны вахтында өдәмәјә садиг олуб вә әмәлдә дә бу мәсәләни сүбута јетирибдир.
Тәхти-Рәванчи әлавә едиб: Тәәссүфләр олсун ки, Американын Ирана гаршы биртәрәфли вә залымҹасына санксијалар тәтбиг етмәсинә ҝөрә, Иранын үзвлүк һаггынын өдәниши икинҹи ил далбадал проблемлә үзләшди.
Иранын БМТ-дәки даими нүмајәндәси сөјләјиб: Американын залымҹасына санксијалары нәинки һәјати әһәмијјәтли вәсаитләрин, о сырадан дәрман, тибб ләвазиматлары вә саирәнин әлдә олунмасы да дахил олмагла мүхтәлиф саһәләрә тәсир ҝөстәриб, һәм дә Бирләшмиш Милләтләр Тәшкилатынын ишиндә фасилә јарадыбдыр.
Мәлумат үчүн билдирәк ки, Ҹәнуби Кореја Теһранын дондурулмуш активләриндән он сәккиз милјон доллардан чох мәбләғи Иранын БМТ-јә тәхирә дүшмүш үзвлүк һаггы борҹу кими өдәјибдир.
Һал-һазырда Ҹәнуби Корејада Иранын једди милјард доллардан чох активи дондурулуб.
342/
23 yanvar 2022 - 13:50
Xəbər kodu: 1221699
Иран Ислам Республикасынын БМТ-дәки сәфири вә даими нүмајәндәси Иранын бу бејнәлхалг органдакы сәсвермә һаггынын гајытмасындан хәбәр вериб.
