Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Нарендра Модинин тәрәфдарлары тәрәфиндән екстремизмин ҝүҹләнмәсиндән сонра сон 20 ҝүн әрзиндә мүсәлман гыз тәләбәләрин Карнатака Дөвләт Университетинин синифләринә һиҹаб тахдыгларына ҝөрә ҝириши гадаған едилиб.
Бу университетин рәсмиләринин дедијинә ҝөрә, һиҹаб вә ја чадра бу университетин мүәјјән едилмиш ҝејимләри сырасына дахил дејил вә буна ҝөрә дә баш өртүлү тәләбәләрин бу палтарларла синиф отағына ҝәлмәси гадағандыр.
Лакин бу университетин тәләбәләри ислами ҝејими өзләринин дини һаггы һесаб едир вә гојулан шәртләри гәбул етмәкдән бојун гачырараг, һиҹабла дәрсдә олмаларынын гајдалара зидд олмадығыны дүшүнүрләр.
Јајымланан видеолардан ҝөрүнүр ки, чадралы тәләбәләрин синифә дахил олмасынын гаршысы алыныр вә дәрсә ҝәлмәмиш һесаб олунур.
Мүсәлман гызлар билдирибләр: “Сон ики илдә бу университетдә чохлу дини ајры-сечкилијин шаһиди олмағымыза бахмајараг, бу ајры-сечкилијә гаршы һеч вахт сәсимизи чыхармамышыг...”
Һүгуг мүдафиәчиләри дејирләр ки, индијә гәдәр әјаләтдә бу мәһдудијјәт гәдәр һеч бир мәһдудијјәт мүсәлман гызларын етираз сәсини уҹалдмамышдыр.
Диггәт: Хәбәрдән Истифадә Етдикдә Мәнбәјә Истинад Лазымдыр!
