АБНА24 Хәбәр Верир, бу барәдә мәлуматы Ермәнистанын "Паст" нәшри јајыб.
Паст јазыр ки, әлдә олунан илкин разылашмалара әсасән, Ермәнистан вә Азәрбајҹан рәһбәрлији илин сонуна гәдәр Русијада јенә ҝөрүш кечирә биләрләр. Әҝәр бу ҝөрүш баш тутса, онда бу, јекун ҝөрүш олаҹаг. Илкин мәлумата ҝөрә, ҝөрүш ҝеништәркибли форматда кечириләҹәк. Өлкә башчылары илә јанашы, ҝөрүшдә үчтәрәфли комиссијанын үзвләри, мүдафиә вә хариҹи ишләр назирләри иштирак едәҹәкләр.
Азәрбајҹан вә Ермәнистанын дөвләт башчылары вә Авропа Иттифагынын сәдри Шарл Мишелин үчтәрәфли ҝөрүшү декабрын 14-дә Белчиканын пајтахтында баш тутуб. Гафгаз өлкәләринин лидерләри Брүсселә Шәрг Тәрәфдашлығы саммитиндә иштирак етмәк үчүн ҝедибләр.
Ондан әввәл исә нојабрын 26-да Сочидә Азәрбајҹан Республикасынын Президенти Илһам Әлијев, Ермәнистан Республикасынын Баш назири Никол Пашинјан вә Русија Федерасијасынын Президенти Владимир Путин Бәјанат имзалајыблар.
Бәјанатда дејилир: "Биз, Азәрбајҹан Республикасынын Президенти И.Һ.Әлијев, Ермәнистан Республикасынын баш назири Никол Пашинјан вә Русија Федерасијасынын Президенти Владимир Путин 2021-ҹи ил нојабрын 26-да Сочи шәһәриндә ҝөрүшдүк вә Дағлыг Гарабағ мүнагишәси зонасында атәшин вә бүтүн һәрби әмәлијјатларын тамамилә дајандырылмасы һаггында 2020-ҹи ил 9 нојабр тарихли Бәјанатын, һәмчинин реҝионда бүтүн игтисади вә нәглијјат әлагәләринин бәрпасы һаггында 2021-ҹи ил 11 јанвар тарихли Бәјанатын јеринә јетирилмәсинин ҝедишини мүзакирә етдик.
Ҹәнуби Гафгазда сабитлијин, тәһлүкәсизлијин вә игтисади инкишафын тәмин едилмәси наминә 2020-ҹи ил 10 нојабр вә 2021-ҹи ил 11 јанвар тарихли бәјанатларын бүтүн мүддәаларынын бундан сонра ардыҹыл сурәтдә јеринә јетирилмәсинә вә дөнмәдән риајәт олунмасына тәрәфдар олдуғумузу тәсдиг етдик вә бәјанатлардан ирәли ҝәлән, һәллини ҝөзләјән мәсәләләрин тезликлә һәллинә јөнәлмиш бирҝә сәјләри фәаллашдырмаг барәдә разылыға ҝәлдик.
Реҝионда вәзијјәтин сабитләшмәсинә вә тәһлүкәсизлијин тәмин едилмәсинә Русија сүлһмәрамлы континҝентинин мүһүм төһфәсини гејд етдик.
342/
22 dekabr 2021 - 13:13
Xəbər kodu: 1211193
Азәрбајҹан вә Ермәнистан лидерләри Илһам Әлијев вә Никол Пашинјан илин сонуна кими јенидән ҝөрүшә биләрләр.
