Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, сон бир нечә ај әрзиндә екстремист һиндуларын шәһәрдә ҹүмә намазыны гадаған етмәсиндән сонра, Раҹа Сабһа Мәҹлисинин депутаты Мәһәммәд Әдибин сәдрлик етдији Горган Мүсәлман Шурасы шәһәрин Али Мәһкәмәсиндән нифрәт ҹинајәтләринин тәркиб һиссәси олан екстремист һиндуларын күтләви вә зоракы һүҹумларына иҹазә вермәмәсини хаһиш едиб.
Горган Мүсәлман Шурасы да намаз гылмаг үчүн јерин вә Мәсҹид тикмәк үчүн торпаг саһәсинин олмамасы да дахил олмагла проблемләрин һәлли үчүн даһа ҝениш һүгуги фәалијјәтә башлајаҹағыны ачыглајыб.
Шуранын фикринҹә, һөкумәт Али Мәһкәмәнин әввәлки сәрәнҹамларына әмәл етмәјиб вә һөкумәт рәсмиләри намазын позулмасына нәзарәт етмәк үчүн лазыми аддымлар атмыр.
Хатырладаг ки, сон үч ајда шәһәрдә Ҹамаат вә Ҹүмә Намазлары дәфәләрлә екстремист һинду милләтчиләри вә јерли сакинләр тәрәфиндән зорла тәтил едилиб. Мүсәлманлара гаршы нифрәт вә зоракылыг һаллары ҝүнү-ҝүндән артмагдадыр.
Диггәт: Хәбәрдән Истифадә Етдикдә Мәнбәјә Истинад Лазымдыр!
