АБНА24 Хәбәр Верир,Гәрби нүвә сазишиндә верилән “һеч бир вәди тутмамагда” иттиһам едән Һүсејн Әмир-Абдуллаһијан өз мәгаләсиндә билдириб: "Иран хошмәрамлылығыны нүмајиш етдирәрәк санксијаларын ләғви үчүн нөвбәти дәфә данышыглар апарыр. Мәгсәд 5 өлкә илә сәмәрәли данышыглара вә мүсбәт разылашмаја наил олмагдыр. Иранын мүсбәт разылашма әлдә етмәк үчүн лазыми ирадәси вар. Иран нүвә сазишиндән кәнар тәләбләри гәбул етмәјәҹәк вә бу мөвзуларда данышыглар апармајаҹаг”.
Иранын нүвә програмынын динҹ характер дашыдығыны мүдафиә едән Әмир-Абдуллаһијан сәнаје, тиҹарәт, дәнизчилик, космос, мүдафиә вә технолоҝија саһәләриндә ишләринә давам едәҹәкләрини билдириб.
АБШ-ын нүвә анлашмасына гајытмасы үчүн Иранын мәнафејинә ујғун олараг санксијаларын тамамилә арадан галдырылмасынын, тәминатларын верилмәсинин вә атылан аддымларын јохланыла билән олмасынын ваҹиблијинә ишарә едән дөвләт рәсмиси, буна наил олунарса, Иранын да тәләбләрә әмәл едәҹәјини вурғулајыб.
Әмир-Абдуллаһијан һәмчинин нүвә сазиши тәрәфләринин лазыми сијаси ирадәјә малик олдуғу тәгдирдә разылашманын мүмкүн олдуғуну бәјан едиб вә јазыб: "АБШ әмин олмалыдыр ки, кечмишин аҹы тәҹрүбәләри јашанмајаҹаг. Бу јолла Иранын коммерсија тәрәфдашлары нараһат олмадан Иранла даими тиҹарәт әлагәләринә ҝирә биләрләр. Бу фүрсәт пәнҹәрәси әбәди олараг ачыг галмајаҹаг. АБШ бүтүн тәтбиг олунан санксијалар арадан галдырылмадан нүвә сазишинә гајытмағын мүмкүн олмадығыны һәлә дә баша дүшмүр"
342/
1 dekabr 2021 - 08:07
Xəbər kodu: 1203979
Иран Ислам Республикасынын хариҹи ишләр назири Вјанада башлајан нүвә данышыглары илә бағлы өлкәнин рәсми нәшри олан “Иран гәзети”ндә мәгалә јазыб.
