АБНА24 Хәбәр Верир,нојабрын 28-дә Ашгабад шәһәриндә имзаланан үчтәрәфли мүгавилә мүддәтсиздир вә декабрын 1-дән гүввәјә минир. Лакин фактики олараг мүгавилә үзрә газын нәглинә декабрын 22-дән етибарән башланаҹағы ҝөзләнилир.
Мәлумата ҝөрә, Түркмәнистан Азәрбајҹан тәрәфинә Иран васитәсилә ҝүндә 5-6 млн. кубметр газ нәгл едәҹәк, иллик һәҹм 1,5-2 млрд. кубметр олаҹаг.
СWАП мүгавиләси чәрчивәсиндә Иран Түркмәнистан газыны өзүнүн Түркмәнистана јахын әјаләтләриндә истеһлака бурахаҹаг вә онун гаршылығында Азәрбајҹан Республикасына јахын вилајәтләриндәки инфраструктурдан фајдаланараг Азәрбајҹана газ өтүрәҹәк.
СWАП схеми о демәкдир ки, Түркмәнистан газынын Азәрбајҹана тәдарүкү үчүн Ашгабад өз јанаҹағыны Ирана, Иран исә өз нөвбәсиндә Азәрбајҹана тәдарүк едәҹәк.
СWАП схеми, онун шәртләри мөвҹуд олан өлкәләр арасында ән әлверишли вә ән сәрфәли нәглијјат методудур. Вахтијлә Азәрбајҹан Республикасы өз нефтинин дүнја базарларына чыхарылмасында Иран васитәси илә бу методдан фајдаланмышдыр.
Чох бөјүк вәсаит тәләб едән вә Хәзәр дәнизинин әтраф мүһити үчүн ҹидди тәһдидләр јарада биләҹәк трнасхәзәр лајиһәсини СWАП методу илә әвәз етмәк бу транзитдә мараглы олан бүтүн тәрәфләр үчүн әлверишли ола биләр. Һәмчинин реҝион өлкәләри арасында бағлылыглары даһа да мөһкәмләндирәр.
342/
30 noyabr 2021 - 11:36
Xəbər kodu: 1203752
Ашгабадда Азәрбајҹан, Иран вә Түркмәнистан арасында имзаланан газ мүбадиләсинә даир үчтәрәфли мүгавилә (СWАП) декабрын 1-дән гүввәјә минәҹәк, вә мүгавилә үзрә газын нәглинә декабрын сонунда башланаҹаг.
