Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Ајәтуллаһ Др. "Сејјид Ибраһим Рәиси" нојабырын 22-дә, Президент Гурумунун Бәсиҹиләри илә Бәсиҹ Һәфтәси шәрәфинә бағлы тәшкилатлар арасында кечирилән ҝөрүшдә, Бәсиҹиләрин әсас хүсусијјәтләринин мәсулијјәтли вә рискли олдугларыны билдирәрәк дејиб: “Президент грумунда чалышан ишчиләр мәсулијјәтли олсалар, халга вә мүштәријә лајигли вә ујғун ҹаваб верә билсәләр, шүбһәсиз ки, диҝәр гурумлар да бу гурумдан нүмунә ҝөтүрәҹәкләр.”
Президент инзибати системдә ислаһатларын апарылмасыны, тәшкилат вә идарәләрдә оперативлијин ҝүҹләндирилмәси үчүн чалышмағы зәрури сајараг демишдир: “Инзибати системдә сәмәрәлилик ондан ибарәтдир ки, ишчиләр өз вәзифәләрини там билсинләр, инсанларын вә мүраҹиәт едән вәтәндашларын проблемләринин һәллиндә өз мәсулијјәтләрини һисс етсинләр вә инсанлара севҝи илә јанашсынлар..."
Өлкәнин инзибати системиндәки чатышмазлыглары вә проблемләри тәнгид едән доктор Рәиси дејиб: “Әлбәттә, әҝәр өлкәнин инзибати системиндә бәсиҹ руһу варса, биз чох проблем вә сәмәрәсизлик ҝөрмәјәҹәјик, она ҝөрә дә инзибати системин сәмәрәлилији үчүн , бу руһу тәблиғ етмәк вә ҝенишләндирмәк лазымдыр...”
Гејд едәк ки, “Бәсиҹ”, Ислам Ингилабынын Баниси Имам Хомејни тәрәфиндән 1979-ҹу илин нојабр ајында Иранда јарадылмыш парамилитарист көнүллү милис тәшкилатыдыр. Тәшкилатын рәсми ады Бәсиҹ Мүгавимәт Гүввәсидир. Бу тәшкилат бирбаша Вәлијји Фәгиһдән әмр алыр. Һал-һазырда рәсми дини мәрасимләрин тәшкил едилмәси, сосиал хидмәтин тәшкили, әхлаг полиси вә мүхалиф топлашмаларын јатырылмасы кими фәалијјәтләр дә дахил олмагла дахили тәһлүкәсизлик гошунларынын јардымчы гошуну кими фәалијјәт ҝөстәрир
Диггәт: Хәбәрдән Истифадә Етдикдә Мәнбәјә Истинад Лазымдыр!
