АБНА24 Хәбәр Верир, Ермәнистан ордусу Лачын рајонунда јерләшән бөлмәләри мүхтәлиф чаплы минаатан вә артиллерија гурғуларындан атәш ачыб, бунун ардынҹа Азәрбајҹан Ордусунун бөлмәләри тәрәфиндән адекват тәдбирләр ҝөрүлүб.
Мүдафиә Назирлији билдирир ки, Кәлбәҹәр вә Лачын рајонлары саһәсиндә Ермәнистанын һәрби бирләшмәләри дөвләт сәрһәдинин бу истигамәтиндәки јүксәкликләри әлә кечирмәк вә һәрби үстүнлүјә наил олмагла даһа әлверишли мөвгеләрә јијәләнмәк мәгсәдилә гәфил һәрби әмәлијјата башлајыблар.
Бу мәлумата әсасән, Басаркечәр вә Гаракилсә рајонларында јерләшән сәрһәд-дөјүш мөвгеләринә әлавә ҹанлы гүввә, һәрби вә хүсуси техника ҹәмләшдирән Ермәнистан һәрби бөлмәләри Азәрбајҹан Ордусунун Кәлбәҹәр вә Лачын рајонларындакы дөјүш постларына һүҹум едиб. Нәтиҹәдә, Азәрбајҹан Ордусунун ики һәрби гуллугчусу јараланыб. Сонра исә Ермәнистан силаһлы гүввәләринин дөјүш активлијинин гаршысыны алмаг мәгсәдилә Кәлбәҹәр вә Лачын истигамәтиндә јерләшән бирлик вә гүввәләр тәрәфиндән дәрһал тәхирәсалынмаз әмәлијјат һәјата кечирилиб. Ҝөрүлмүш гәти тәдбирләр нәтиҹәсиндә ермәни һәрбчиләри тәрксилаһ едиләрәк сахланылыб, хејли сајда мүхтәлиф чаплы силаһ вә күлли мигдарда сурсат гәнимәт кими әлә кечирилиб.
Ермәнистан мәнбәләри сәрһәд бөлҝәсинә әлавә гүввәләрин ҝөндәрилдијини вә авиасијадан башга, бүтүн силаһ нөвләриндән истифадә олундуғуну билдирир. Ермәнистан мәнбәләринин мәлуматына ҝөрә, дөјүшләр Гараҝөл јахынлығында 3000 метрә јахын јүксәклији олан дағлардакы ики пост уғрунда апарылыр.
Ермәниләр һәмчинин алты һәрбичиләринин әсир дүшдүјүнү билдирирләр.
342/
17 noyabr 2021 - 12:11
Xəbər kodu: 1199430
Ермәнистан силаһлы гүввәләринин бөлмәләри бу ҝүн дөвләт сәрһәдиндә Азәрбајҹана гаршы ҝенишмигјаслы һүҹумлар һәјата кечириб.
