Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, АБШ Малијјә Назирлији шантаж-програмы илә мүбаризә апармаг үчүн Исраиллә ишләмәјә садиг олдуғуну ачыглајыб.
Реутерс хәбәр аҝентлијинин мәлуматына ҝөрә, АБШ Малијјә Назирлији вурғулајыб: “АБШ вә Исраил шантаж-програмы һүҹумлары илә мүбаризә апармаг үчүн кибертәһлүкәсизлик үзрә бирҝә ишчи групу јарадыблар.
Әмәкдашлыг групу ширкәтләрә вә АБШ-ын һәссас мәркәзләринә гаршы олунан бир сыра шантаж-програмы һүҹумларыны нәзарәтдә сахлајыр. Онлардан бири АБШ-ын ән бөјүк јанаҹаг кәмәринә шантаж-програмы һүҹуму иди ки, бу да Вашингтона бөјүк зијан вурду вә бир нечә һәфтә әрзиндә јанаҹаг тәҹһизатыны ҹидди шәкилдә кәсди.”
АБШ-ын Малијјә Назирлији рәсми олараг елан едиб ки, АБШ-Исраил Анти-Шантаж-програмы вә Кибертәһлүкәсизлик үзрә бирҝә Ишчи Групу бир ҝүн әввәл ишә башлајыб.
Гејд едәк ки, шантаж-програмы системә ҝириши мәһдудлашдыран зәрәрли програм нөвүдүр. Вә онун јарадыҹысы мәһдудијјәти арадан галдырмаг үчүн пул өдәнилмәсини тәләб едир. Бәзи нөвләр сабит диск фајлларыны шифрәләјир. Диҝәрләри садәҹә олараг системи килидләјә вә истифадәчидән пул јатырмағы хаһиш едән месажлары екранда ҝөстәрә биләр. Шантаж-програмы илк дәфә Русијада һәјата кечирилиб, лакин сон вахтлар Австралија, Алманија вә АБШ да дахил олмагла диҝәр өлкәләрдә шантаж-програмы һүҹумларынын сајы артыб.
Диггәт: Хәбәрдән Истифадә Етдикдә Мәнбәјә Истинад Лазымдыр!
